Ar agor Llun-Sadwrn, 10yb-5yh

Theatr Hafren
Mae Theatr Hafren yn gartref i gynyrchiadau amrywiol drwy'r flwyddyn, gan arddangos cynyrchiadau dramâu clasurol, cynyrchiadau plant a phobol ifanc, yn ogystal â nosweithiau comedi cyson yng nghwmni enwogion megis Tony Robinson, seren y gyfres Blackadder. Cynigir amrediad eang o gerddoriaeth, o berfformiadau clasurol, i jas, i berfformiadau cerddorol ethnig a modern. Mae'r theatr yn llwyfannu cynyrchiadau opera cyson, yn ogystal â bod yn gartref i gymdeithas ddrama amatur Y Drenewydd ac yn lwyfan i'w holl dalentau.

Amgueddfa Robert Owen
Mae'r amgueddfa yn arddangos stori ryfeddol Robert Owen, bachgen lleol a anwyd yn 1771, a ddatblygodd i fod yn ddiwydiannwr llwyddiannus ac yn un o feddylwyr sosialaidd cynharaf y Deyrnas Unedig. Ceir yma gasgliad eang a diddorol o eitemau personol Robert Owen, ac mae'r Curadur yn barod i dywys grwpiau ac i roi sgwrs fer am Robert Owen.

Ar Agor Llun-Gwener, 9.30yb-12 a 2-3.30, ac ar agor Ddydd Sadwrn rhwng 9.30yb a 11.30yb.

Tŷ Gregynog
Mae Plasty Gregynog, sy'n sefyll mewn oddeutu 750 erw o dir tirluniedig a pharcdir coediog, rhyw 5 milltir o'r Drenewydd. Rhwng 1924 a 1963 sefydlodd y perchnogion, Gwendoline a Margaret Davies, un o weisg argraffu preifat gorau Ewrop yma a ffurfiwyd casgliad eang o ddarluniau ac o waith celf. Pan fuont farw, fe etifeddwyd yr ystad gan Brifysgol Cymru ac fe wneir ddefnydd helaeth o'r safle gan y Coleg heddiw fel canolfan gynadleddfa breswyl. Mae'r Plasty ar gael i'w logi i'r cyhoedd, a gellir cynnal cynadleddau a phriodasau yno. Ym mis Mehefin, dyma gartref Gŵyl Gerddorol Gregynog.

Cymdeithas Ddrama Amatur y Drenewydd
Sefydlwyd y gymdeithas lwyddiannus hon yn 1934 pan y cyfarfodd grŵp o berfformwyr amatur yn y dref. Llwyfannwyd eu cynhyrchiad cyntaf yn Mawrth 1935 yn y Victoria Hall, bellach yn gartref i Ladywell House. Tyfodd y gymdeithas o nerth i nerth ar hyd y degawdau, gan ddathlu ei phen-blwydd jiwbilî aur yn 1984. Heddiw llwyfannir pedwar cynhyrchiad yn flynyddol rhwng mis Medi a mis Mai. Mae'r gymdeithas yn croesawu aelodau newydd sydd â diddordeb actio, cyfarwyddo, coluro neu adeiladu set. Cyfarfu'r grŵp bob nos Lun a nos Iau am 7.30yh yn Theatr Powys.

Amgueddfa W H Smith
Ail agorodd Siop W H Smith y dref yn 1975 yn dilyn gwaith adnewyddu sylweddol. Fe adnewyddwyd y siop i ymdebygu i'r bensaernïaeth a ffurf wreiddiol yn 1927, pan agorodd y siop ei drysau am y tro cyntaf yn Y Drenewydd. Bellach mae yna amgueddfa uwchlaw'r siop yn cloriannu hanes a datblygiad busnes lwyddiannus Henry Walton Smith a Anna Smith a gychwynnodd nôl yn 1792. Ceir yma arteffactau amrywiol o ddiddordeb i bob oedran.

Mae'r amgueddfa ar agor yn ystod oriau agor y siop, Dydd Llun-Sadwrn, 9.00yb-5.30yh, ag eithrio Gŵyl y Banc. Mynediad am ddim

Amgueddfa Tecstilau'r Drenewydd
Mae Amgueddfa Tecstilau'r Drenewydd yn hyrwyddo treftadaeth ac hanes diwydiant Gwlân y Drenewydd. O fewn tafliad carreg i Amgueddfa y Diwydiannwr Gwlân llwyddiannus (Robert Owen) mae'r Amgueddfa Decstilau yn gartref i hen felinau y Dref a chasgliad o beiriannau ac arteffactau hanesyddol hynod, ac yn ddolen gyswllt bwysig rhwng cynnal a dathlu treftadaeth diwydiannau cotwm a brethyn cartref Y Drenewydd ac addysgu'r cyhoedd cyfoes amdano.

Achlysuron Blynyddol

Mis Mehefin
Carnifal y Drenewydd
01686 625580

Gŵyl Gregynog- Gŵyl Gerddoriaeth Mwyaf Canolbarth Cymru
01686 430468

Mis Gorffennaf
Gŵyl Fwyd y Drenewydd
01686 623538

Mis Awst
Sioe Moduron o Fri
01686 622566

Gŵyl Severnfest
01686 625580

Mis Medi
Gŵyl Opera Canolbarth Cymru
01686 625007

Dydd Gwener olaf Mis Tachwedd
Cynnau'r Goleuadau Nadolig a Thaith Siôn Corn Ddydd Sadwrn
01686 625544

Dydd Sul Cyntaf Mis Rhagfyr
Ras Siôn Corn. Bellach yn enwog fel un o'r rasys mwyaf o'i math â dros 2,000 Siôn Corn yn rhedeg drwy strydoedd Y Drenewydd i godi arian ar gyfer elusennau amrywiol.

Os wyddoch am unrhyw atyniadau neu ddigwyddiadau eraill o ddiddordeb yn yr ardal e-bostiwch canolbarth@bbc.co.uk.