Tlws yr Ywen Mae'n arferiad gan yr Ŵyl i roi tlysau yn ogystal â gwobrau i'r buddugwyr. I drysori cof teilwng am fro Ystrad Fflur, gosodwyd plac pres bychan yr enillydd ar dafell o bren ywen enwog Dafydd ap Gwilym.
Tybir bod y goeden dros 1200 oed ac mai hi yw'r ywen y canodd ei gyfoeswr Gruffydd Gryg am gladdu'r bardd dani dros chwe chanrif yn ôl. Tua phedair blynedd yn ôl fe holltodd y goeden mewn storm, ac roedd pwyllgor y fynwent yn wynebu costau mawr i ddoctora'r ywen i'w chadw'n fyw.
Daeth Roy Bendrey, cyn-berchennog Y Llew Du, Pontrhydfendigaid i'r adwy i dalu am y gwaith a chael cadw'r pren anafus. Pan gafwyd y syniad am y tlws, cytunodd yntau'n barod iawn i gyfrannu'r pren. Kevin Lloyd, athro gwaith coed Ysgol Uwchradd Tregaron sy'n Ilunio'r tlysau.
Bu'r feddyginiaeth yn llesol i'r hen ywen hefyd, a hithau bellach yn adfywio gyda thyfiant newydd arni.
Daeth Roy Bendrey, cyn-berchennog Y Llew Du, Pontrhydfendigaid i'r adwy i dalu am y gwaith a chael cadw'r pren anafus. Pan gafwyd y syniad am y tlws, cytunodd yntau'n barod iawn i gyfrannu'r pren. Kevin Lloyd, athro gwaith coed Ysgol Uwchradd Tregaron sy'n Ilunio'r tlysau. 
