Llyr Griffiths-Davies, swyddog y wasg yn siarad am Y Drwm a'i weithgareddau gyda Hywel Gwynfryn, Ionawr 16, 2007

O fwriad, mae gwrthgyferbyniad llwyr rhwng adeilad Theatr Y Drwm yn y Llyfrgell Genedlaethol a gweddill yr adeilad.

Tra bo adeilad y Llyfrgell ei hun yn glasurol o ran pensaernïaeth mae'r Drwm oddi mewn iddo yn hynod o fodern ei arddull gyda defnydd helaeth o alwminiwm.

Dywedodd Llŷr Griffiths-Davies i'r Drwm - theatr glyd gyda seddau i gant o bobl - gael ei greu yn y lle cyntaf fel lle i "ddathlu" casgliadau'r Llyfrgell Genedlaethol a'r Llyfrgell ei hun.

Cynhelir pob math o ddigwyddiadau yno o ddarlithiau i lansiadau llyfrau a dangosir ffilmiau.

Ar ddydd Mercher cyntaf pob mis mae digwyddiad awr ginio sy'n cynnwys darlithithiau yn ymwneud â chasgliadau'r Llyfrgell.