Mae eleni yn mynd i fod yn eithaf' gwahanol i fi achos mi fyddai'n gweithio yno am y pedwar diwrnod fel rhedwr gyda chwmni teledu Telesgôp. Mae hyn yn golygu helpu'r criw camera, y tîm cynhyrchu a lot o redeg o gwmpas! Felly byddaf yn cael gwir flas ar fywyd o amgylch y cae.

Ond cyn hynny mae lot gen i ar fy mhlât! Dw i newydd orffen fy arholiadau Lefel A ac AS mewn Cymraeg, Drama, Hanes, Saesneg a Ffrangeg. Ond erbyn y byddwch chi'n darllen y pwt yma mi fydda i yn torheulio a joio yn Magaluf ar ôl yr arholiadau! Fydda i nôl yng Nghymru ddiwrnod cyn y sioe, ac yna'n mynd yn syth i Lanelwedd. Gobeithio fydd chydig bach o lais ar ôl gen i erbyn hynny!

Mae'r bywyd nos yn y sioe yn grêt. Fe wnes i aros lan yna llynnedd am y pedair noson, a joio ma's draw. Mae rhai o'n ffrindiau i yn dod lan eto eleni a byddwn yn barod am lot fawr o sbort.

Dewch nôl yma yn ystod wythnos y sioe, ac mi wna' i ddod â'r newyddion i gyd i chi - neu falle welaf i chi yna!