MAWRTH
13th Mai 2003
 | | Cymru'r Byd | |
| | Geiriau yn unig Ble ar y We? | |
 | |||
| | | |
| Newyddion Chwaraeon Y Tywydd | | |
|  | Llais Llên Straeon Pobol y Cwm Y Sîn Roc Adloniant Cymry Tramor Creu Cenedl Gemau E-gardiau Radio Cymru Ffeil | |
Yr un diwrnod bydd llyfr i blant am ei bywyd yn cael ei gyhoeddi. Er mwyn prynu copi o Feibl Cymraeg William Morgan, bu Mari, merch fferm dlawd, yn casglu ceiniogau am chwe blynedd. Dim ond pymtheg oed oedd hi pan gerddodd yn droednoeth ac ar ei phen ei hun i'r Bala o Lanfihangel y Pennant i brynu Beibl. Y Parchedig Thomas Charles o’r Bala yn son am ei thaith arweiniodd at sefydlu Cymdeithas y Beiblau. Bu hanes Mari Jones yn boblogaidd nid yn unig yng Nghymru ond mewn gwledydd eraill hefyd. Disgyblion o Ysgol Uwchradd Tywyn, Ysgol y Gader, Dolgellau, Ysgol y Moelwyn, Ffestiniog, ac Ysgol y Berwyn, Bala fydd yn ail- greu rhan o'r daith 25 milltir o gartref Mari yn Llanfihangel y Pennant, i’r Bala. Bydd y daith, a drefnir gan Gyngor Ysgolion Sul ac Addysg Gristnogol Cymru, yn dechrau am ddeg y bore ac yn dilyn llwybr ar hyd y priffyrdd. Disgyblion Ysgol y Berwyn fydd yn cwblhau'r rhan olaf, ac yn cyrraedd y dref tua 2.45 y prynhawn. Awdur y llyfr, Mari Jones a'i Beibl, a fydd yn cael ei gyhoeddi ar y diwrnod Mig Holder ac fe’I haddaswyd gan Margaret Cynfi, a'i gyhoeddi gan Gyhoeddiadau'r Gair, yn y Gymraeg. . Meddai’r Parchedig Aled Davies o Gyhoeddiadau'r Gair, "Mae pobl ledled y byd wedi clywed hanes Mari Jones a'i thaith ryfeddol. Does dim dwywaith bod ei hanes wedi ysgogi sefydlu Cymdeithas y Beiblau, cymdeithas sy'n parhau i genhadu dros gyfieithu'r Beibl i gynifer o ieithoedd â phosibl er mwyn i bawb allu ei ddarllen. "Mae'n briodol ein bod ni'n dathlu ei thaith hanesyddol ar Ddiwrnod y Llyfr, ac rydym yn falch bod disgyblion yr ardal yn gallu cymryd rhan yn y daith gerdded hon i goffáu Mari Jones." Ffeithiau Beiblaidd Cyfieithwyd y Beibl i'r Gymraeg gan yr Esgob William Morgan yn 1588. Arweiniodd y digwyddiad hwnat ddiogelu dyfodol yr iaith Gymraeg er mai bwriad yr awdurdodau oedd ei gwneud yn haws i’r Cymry fedru dilyn y fersiwn Saesneg o’r Beibl. Heddiw, mae'r Beibl ar gael mewn 300 o ieithoedd a rhannau ohono mewn 1,500 o ieithoedd.
| |
| |||||||
 © MM |
Steddfod 2003 
