ကိုရိုနာ ဗိုင်းရပ်စ် သတင်းများ တင်ဆက်မှု - ဧပြီ ၆ ရက်

တိုက်ရိုက် ထုတ်လွှင့်ချက်

1. ၆ ဧပြီ ၂၀၂၀ဒီကနေ့ အတွက် တိုက်ရိုက် တင်ဆက်မှု တွေကို ရပ်နားခွင့်ပြုပါ။

   • ဒီကနေ့ ဘီဘီစီ မြန်မာပိုင်း ရဲ့ ကိုရိုနာ ဗိုင်းရပ်စ် နဲ့ ပတ်သက်တဲ့ သတင်းတွေ တိုက်ရိုက် တင်ဆက် နေမှုကို ဒီမှာပဲ ရပ်နားခွင့်ပြုပါ။
   • လာရောက် ဖတ်ရှုကြတဲ့ ဘီဘီစီ ပရိသတ်တွေ အားလုံးကို ကျေးဇူး တင်ပါတယ်။

2. ၆ ဧပြီ ၂၀၂၀အီတလီက ရွာတစ်ရွာကို စစ်တပ်အစောင့်ချပြီး သုတေသနလုပ်

   အီတလီက ဝေးလံခေါင်ဖျားတဲ့ တောင်ပေါ်ရွာလေးတစ်ရွာက ကိုရိုနာဗိုင်းရပ်စ် ကုသရေးမှာ တချို့ကိစ္စတွေကို ဖြေရှင်းပေးနိုင်တော့မလား ဆိုတာ စိတ်ဝင်စားစရာပါ။

   ပြီးခဲ့တဲ့ သီတင်းပတ်တုန်းက နီရိုလာဆိုတဲ့ ရွာမှာ ကိုရိုနာဗိုင်းရပ်စ်ကူးစက်ခံရသူတွေ အတော်များများကို တွေ့ခဲ့ရအပြီးမှာ ချက်ချင်းဆိုသလို ရွာကို အရေးတကြီး ကုသပေးရမယ့်နေရာလို့ သတ်မှတ်ကြေညာလိုက်ပါတယ်။

   နောက်တော့ ရွာကို စစ်တပ်အစောင့်ချ ပိတ်ဆို့ထားလိုက်ပါတယ်။ ရွာထဲကလူတွေအကုန်လုံးကိုလည်း ခွဲခြားစောင့်ကြည့်နေပါတယ်။ ပြီးတော့ ဆေးသုတေသနအဖွဲ့တွေရောက်လာပြီး ဗိုင်းရပ်စ်နဲ့ပတ်သက်တာတွေကို သိရှိနိုင်ဖို့ ရွာသားအားလုံးကို စမ်းသပ်နေပါတယ်။

   

3. ၆ ဧပြီ ၂၀၂၀မန်ချက်စတာစီးတီးနည်းပြရဲ့ မိခင် ကိုရိုနာဗိုင်းရပ်စ် ကူးစက်ခံရပြီး ကွယ်လွန်

   မန်ချက်စတာစီးတီး ဘောလုံးအသင်းနည်းပြ ပတ်ဂွာဒီယိုလာရဲ့ မိခင် ကိုရိုနာဗိုင်းရပ်စ် ကူးစက်ခံရပြီး ကွယ်လွန်သွားပါတယ်။

   အသက် ၈၂ နှစ်အရွယ်ရှိပြီဖြစ်တဲ့ ဒေါ်လော့စ် ဆာလာ ကာရီယိုဟာ စပိန်နိုင်ငံ ဘာစီလိုနာမှာ ကွယ်လွန်ခဲ့တာ ဖြစ်တယ်လို့ မန်ချက်စတာစီးတီးအသင်းက ထုတ်ပြန်ပါတယ်။

   စပိန်နိုင်ငံဟာ ကမ္ဘာပေါ်မှာ ကိုရိုနာဗိုင်းရပ်စ်ကူးစက်မှုကြောင့် သေဆုံးသူအများဆုံးနိုင်ငံတွေထဲက တစ်နိုင်ငံဖြစ်ပြီး သေဆုံးသူ ၁၃,၀၀၀ ကျော် ရှိပါပြီ။

   ဘာစီလိုနာမြို့နေအိမ်မှာ ရောက်နေခဲ့တဲ့ ဂွာဒီယိုလာက စပိန်နိုင်ငံမှာ ကိုရိုနာရောဂါကုသရေးအတွက် ပြီးခဲ့တဲ့ အပတ်တုန်းက ယူရို တစ်သန်းလှူဒါန်းခဲ့ပါသေးတယ်။

   

   ဓာတ်ပုံ ရင်းမြစ်, Getty Images

4. ၆ ဧပြီ ၂၀၂၀စစ်ဘေးရှောင်များရဲ့ ကိုရိုနာ

5. ၆ ဧပြီ ၂၀၂၀သတင်းထူး, မြန်မာမှာ ကိုရိုနာဗိုင်းရပ်စ် ကူးစက်သူအသစ်တစ်ဦးတွေ့

   အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)က ဧပြီ ၆ ရက် ဓာတ်ခွဲ အဖြေတွေအရ မြန်မာနိုင်ငံက စောင့်ကြည့်လူနာနဲ့ ဆေးရုံတွေမှာ အသွားအလာ ကန့်သတ် စောင့်ကြည့်နေသူ ၄၆ ဦး အနက် ကိုဗစ်-၁၉ရောဂါပိုးတွေ့ရှိသူ တစ်ဦးရှိပြီး ကျန် ၄၅ဦးမှာ ပိုးမတွေ့ရဘူးလို့ ကျန်းမာရေးနဲ့ အားကစားဝန်ကြီးဌာနက ကြေညာပါတယ်။

   ကိုရိုနာဗိုင်းရပ်စ်ကူးစက်ခံရတယ်လို့တွေ့ရှိသူဟာ အသက် ၅၁ နှစ်အရွယ် မြန်မာအမျိုးသမီးဖြစ်ပါတယ်။ သူဟာ လူနာနံပါတ် ၂၁ နဲ့အတူ မတ်လ ၂၄ ရက်မှာ အမေရိကန်နိုင်ငံကထွက်ခွာလာပြီး ကိုရီးယား၊ထိုင်းနိုင်ငံတို့ကတဆင့် ရန်ကုန်လေဆိပ်ကို ၂၆ ရက်မှာ ပြန်ရောက်လာသူ ဖြစ်ပါတယ်။ သူ့ကို လေဆိပ်ကနေ အသွားအလာကန့်သတ်ပြီး ဟိုတယ်တစ်ခုမှာ ထားရှိစဥ်မှာ လူနာနံပါတ် ၂၁ နဲ့ အတူ နေခဲ့သူ ဖြစ်ပြီး လူနာရဲ့ကျန်းမာရေးကောင်းမွန်တယ်လို့ ထုတ်ပြန်ထားပါတယ်။

   မြန်မာနိုင်ငံမှာ အခုထိ ကိုရိုနာဗိုင်းရပ်စ်ကူးစက်ခံရသူ ၂၂ ဦး ရှိပြီး သေဆုံးသူ တစ်ဦးရှိပါတယ်။

6. ၆ ဧပြီ ၂၀၂၀ကျားကိုလည်း ကိုရိုနာကူးတာ တွေ့ရပြီ

7. ၆ ဧပြီ ၂၀၂၀ဗိုင်းရပ်စ်ကြောင့် အင်္ဂလန်မန်နေဂျာ လစာလျှော့ယူမယ်

   ကိုရိုနာဗိုင်းရပ်စ်ကြောင့်ဘောလုံးအဖွဲ့ချုပ်အတွက်ငွေကြေးထိခိုက်နစ်နာရမှုတွေကိုသက်သာစေဖို့အင်္ဂလန်ဘောလုံးအသင်းမန်နေဂျာဂါရက်ဆောက်သ်ဂိတ်ကသူရတဲ့လစာရဲ့၃၀ရာခိုင်နှုန်းလျှော့ယူမယ်လို့ဆိုပါတယ်။ဆောက်သ်ဂိတ်ဟာအင်္ဂလန်ဘောလုံးအဖွဲ့ချုပ်မှာလစာအမြင့်ဆုံးရတဲ့လူတွေထဲကတစ်ယောက်ပါ။ ဗိုင်းရပ်စ်ကြောင့် ဘောလုံးပွဲတွေ မကန်နိုင်၊ ဘောလုံးရာသီရပ်ထားရတာကြောင့် ငွေကြေးအရ ထိခိုက်မှုဟာ ပေါင် သန်း ၁၀၀ က သန်း ၁၅၀ အထိ ရှိနိုင်မယ်လို့ ဘောလုံးအဖွဲ့ချုပ်ရဲ့ အမှုဆောင်အရာရှိချုပ် မာ့ခ်ဘူလင်ဟမ်က ဆိုပါတယ်။ ဒါကြောင့် အက်ဖ်အေက လစာ ပေါင် ငါးသောင်းအထက်ရသူတွေ ၇.၅ ရာခိုင်နှုန်း၊ အကြီးတန်းမန်နေဂျာတွေက ၁၅ ရာခိုင်နှုန်းနဲ့ အမြင့်ဆုံးရသူတွေက ၃၀ ရာခိုင်နှုန်း ယာယီလျှော့ယူကြဖို့ တိုက်တွန်းခဲ့ပါတယ်။

   ဆောက်သ်ဂိတ်က ၂၀၁၈ ခုနှစ်မှာ စာချုပ်အသစ်ထပ်ချုပ်ခဲ့ပြီး တစ်နှစ်ကို ဒေါ်လာ သုံးသန်းရတယ်လို့ သတင်းတွေအရ သိရပါတယ်။

   

   ဓာတ်ပုံ ရင်းမြစ်, ြွGetty Images

8. ၆ ဧပြီ ၂၀၂၀သတင်းထူး, အခြေခံလူတန်းစားတွေကို စားသောက်ကုန်ထောက်ပံ့မယ်၊ မီတာခကင်းလွတ်ခွင့်ပေးမယ်

   ပုံမှန်ဝင်ငွေမရှိတဲ့ အခြေခံလူတန်းစားတွေကို သင်္ကြန်တွင်းမှာ

   ဆန်၊ဆီအပါအဝင် စားသောက်ကုန်ငါးမျိုး အခမဲ့ အစိုးရ ထောက်ပံ့မယ်။

   အိမ်သုံးမီတာကို ၁၅၀ ယူနစ်အထိ ကင်းလွတ်ခွင့် ဧပြီလကုန်အထိ ပေးမယ် လို့ ကိုဗစ်-၁၉ ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီသတင်းထုတ်ပြန်ပါတယ်။

9. ၆ ဧပြီ ၂၀၂၀

   စပိန်နဲ့အီတလီက အသွားအလာပိတ်ပင်ခဲ့တာ အလုပ်ဖြစ်ပြီလား

   စပိန်ဟာ ဥရောပမှာ ကိုရိုနာဗိုင်းရပ်စ်ကူးစက်ခံရသူ အများဆုံးဖြစ်ပေမဲ့ ကူးစက်မှုနှုန်းက နောက်ဆုံးတော့ ကျဆင်းလာပြီးဆိုတာကို အချက်အလက်တွေအရ တွေ့ရပါတယ်။

   သေဆုံးသူနှုန်းက လေးရက်ဆက်တိုက် ကျလာပါပြီ။ တစ်ရက်အတွင်း သေဆုံးသူက ၆၃၇ ဦးဖြစ်ပြီး အဲဒါက နှစ်ပတ်နီးပါးအတွင်းမှာ တစ်ရက်အတွင်း သေဆုံးသူအနည်းဆုံးဖြစ်ပါတယ်။

   ကူးစက်ခံရသူနှုန်းလည်း ဆက်ကျလာနေပါတယ်။ အဲဒီအချက်အလက်တွေအရ အသွားအလာ ပိတ်ပင်ကန့်သတ် lockdown လုပ်ထားတာက အလုပ်ဖြစ်ဖွယ်ရှိတယ်ဆိုတာကို ပြနေပါတယ်။

   ဒါပေမဲ့ အခုလို အသွားအလာကန့်သတ်ထားတာတွေ ပြန်ဖြေလျှော့ပေးလိုက်ရင်တောင် လူတွေကြားသွားလာရင် နှာခေါင်းစည်းတပ်ပြီးမှ သွားရတာမျိုးဖြစ်လာနိုင်တယ်လို့ အစိုးရက ပြောပါတယ်။

   အီတလီမှာလည်း ကူးစက်မှုနဲ့ သေဆုံးသူ ကျဆင်းလာနေပါတယ်။အီတလီဟာ ကိုရိုနာဗိုင်းရပ်စ် ကူးစက်မှုကြောင့် ကမ္ဘာမှာ သေဆုံးသူ အများဆုံးရှိတဲ့ နိုင်ငံဖြစ်ပြီး လူ ၁၅,၈၈၇ သေဆုံးခဲ့ပါတယ်။

   ဒီလိုကျဆင်းလာပေမဲ့ အီတလီ ဝန်ကြီးချုပ် ကွန်တီကတော့ အသွားအလာ ကန့်သတ်ထားတာတွေ ဘယ်တော့ ပြန်ဖြေလျှော့မယ်ဆိုတာ မသိသေးဘူးလို့ ပြောပါတယ်။

   

   ဓာတ်ပုံ ရင်းမြစ်, Getty Images

10. ၆ ဧပြီ ၂၀၂၀အမေရိကန်ကို ငှက်ဖျားဆေးပို့ဖို့ အိန္ဒိယစဥ်းစား

    ကိုရိုနာဗိုင်းရပ်စ် ကုသရေးမှာ အဖြေဖြစ်နိုင်တယ်လို့ အမေရိကန် သမ္မတထရမ့်က ပြောနေတဲ့ ငှက်ဖျားကုသရေးဆေးတွေ အမေရိကန်ကို အိန္ဒိယက တင်ပို့ဖို့ စဥ်းစားသုံးသပ်နေပါတယ်။

    အိန္ဒိယမှာ အမြောက်အမြားထုတ်လုပ်တဲ့ Hydroxychloroquine ဆေးတွေကို ပြည်ပပို့ခွင့် ပိတ်လိုက်ပြီး တစ်ရက်အကြ ာတနင်္ဂနွေနေ့မှာ အိန္ဒိယဝန်ကြီးချုပ် နာရင်ဒရာမိုဒီဆီကို အမေရိကန်သမ္မတ ထရမ့်က ဖုန်းခေါ်ပြီး ဆေးတွေ တင်ပို့ခွင့်ပြုဖို့ တောင်းဆိုခဲ့တာ ဖြစ်ပါတယ်။

    ဒါပေမဲ့ ဒီဆေးတွေက ကိုရိုနာဗိုင်းရပ်စ် ကုသရေးမှ တကယ်ပဲ အလုပ်ဖြစ်မှာလားဆိုတာနဲ့ အိန္ဒိယကရော အမေရိကန်ကို တကယ်ပဲ ကူညီနိုင်မယ့် အခြေအနေမှာ ရှိနေသလားဆိုတော့ ရှင်းရှင်းလင်းလင်း မသိရသေးပါဘူး။

11. ၆ ဧပြီ ၂၀၂၀ကိုရိုနာဗိုင်းရပ်စ် သတင်းများ တိုက်ရိုက်တင်ဆင်မှု စတင်ပါပြီ။

    မင်္ဂလာပါ။ ဘီဘီစီ မြန်မာပိုင်းက ကိုဗစ်-၁၉ သတင်းတွေ တိုက်ရိုက်တင်ဆက်မှု စတင်ပါပြီ။

    • ကိုရိုနာဗိုင်းရပ်စ် ကူးစက်ပျံ့ပွားနေတဲ့ကာလ နှာခေါင်းစည်းတွေ စျေးတင်ရောင်းတာနဲ့ ပတ်သက်ပြီး ကိုယ်ကျိုးအတွက် လူထုရဲ့အသက်တွေနဲ့ ကစားတာကို ဘယ်လိုမှသည်းမခံနိုင်ဘဲဥပဒေအရအရေးယူမယ်လို့ ဒေါ်အောင်ဆန်းစုကြည်ကပြောပါတယ်။ ဧပြီ ၆ ရက်မနက်က ပဲခူးတိုင်းက တာဝန်ရှိသူသုံးဦးနဲ့ အင်တာနက်ကတစ်ဆင့် တိုက်ရိုက်ဆက်သွယ်ဆွေးနွေးရာမှာ ပေါက်ခေါင်းပြည်သူ့ ဆေးရုံအုပ်ကြီးရဲ့ တင်ပြချက်နဲ့ပတ်သက်ပြီး အခုလိုပြောကြားခဲ့တာဖြစ်ပါတယ်။

    • မြန်မာနိုင်ငံမှာ ကိုဗစ်-၁၉ ရောဂါကာကွယ်ထိန်းချုပ်နေတဲ့ ကာလမှာသက်ကြီးရွယ်အိုတွေနဲ့ နာတာရှည်ရောဂါ (ဆီးချို၊ နှလုံး၊ သွေးတိုး၊ ကင်ဆာ၊ ကျောက်ကပ် စတာ…)ရှိသူတွေရောဂါကူးစက်မှု ကာကွယ်ဖို့အတွက်ကုသစောင့်ရှောက်ရေး လမ်းညွှန်တွေ ကျန်းမာရေးဝန်ကြီးဌာနက ထုတ်ပြန်လိုက်ပါတယ်။ သက်ကြီးရွယ်အိုနဲ့ နာတာရှည်ရောဂါရှိသူတွေ အရေးပေါ်အခြေအနေမဟုတ်ရင် ဆေးခန်းမလာဘဲ တယ်လီဖုန်းနဲ့ပဲ ဆက်သွယ်ဖို့ပြည်သူကို အသိပေးရေး အပါအဝင် အခြေခံကျန်းမာရေးဝန်ထမ်း ပညာရှင်တွေ လိုက်နာဖို့ လမ်းညွှန်တွေ ထုတ်ပြန်တာ ဖြစ်ပါတယ်။

    • ယူကေဝန်ကြီးချုပ် ဘောရစ်ဂျွန်ဆင်ဟာ ကိုရိုနာဗိုင်းရပ်စ် ကူးစက်ခံရတာ ၁၀ ရက်ကြာအပြီးမှာတော့ ပုံမှန် ဆေးစစ်စမ်းသပ်မှုတွေခံယူဖို့ တနင်္ဂနွေနေ့မှာ ဆေးရုံတက်ရောက်ခဲ့ရပါတယ်။ သူ့ကို ရင်ဘတ်ဓာတ်မှန်ရိုက်တာနဲ့ အဆုတ်ကို စကင်ဖတ်တာတွေ ပြုလုပ်ဖွယ်ရှိပါတယ်။ သူဆေးရုံတက်ရောက်ရပေမဲ့ အုပ်ချုပ်ရေးကိစ္စတွေတော်တော်များများကို ဆက်လုပ်နေတယ်လို့ သိရပါတယ်။