Geiriau dethol - dyfyniadau
Detholiad arall o bethau a ddywedwyd ac a sgrifennwyd yn ystod yr wythnos.
A gwahoddiad, fel arfer, i chi ychwanegu atyn nhw neu ymateb iddyn nhw . . .
- Pe byddai castell Y Fflint yn rhywle fel Swydd Hertford byddai heidiau o ymwelwyr yno a’r dref yn llawn o siopau anrhegion ac atyniadau twristaidd – Dave Heggarty, pennaeth adfywio Sir y Fflint sy’n gobeithio ennyn diddordeb newydd yng ngastell cudd tref Y Fflint. “Ar hyn o bryd, allwch chi ddim hyd yn oed weld y castell pan ydych yn teithio trwy’r dref,” meddai.
- Mae gogledd Cymru yn colli ei llais yn San Steffan – Albert Owen AC Ynys Môn yn ymatebi adrefnu ffiniau etholaethau seneddol yng Nghymru.
- 1,385 – nifer y bobl a ymgeisiodd am 16 o swyddi yn siop newydd DFS sydd ar fin agor yn Llandudno. Dim rhyfedd i lefarydd o’r cwmni fedru dweud iddynt lwyddo i gael “a great bunch of people”.
- Yr oeddwn yn rhyfeddu, wedi’r holl flynyddoedd bod yna o hyd rannau o Ffordd A lle na allwch basio beic heb sônfws neu lori Mansel Davis – P Dawson o Gricieth yn cael yr A470 yn eisiau mewn llythyr yn y ‘Daiy Post’ heddiw.
- Ych, dwi’m isio bod yn hanner cant na phumdeg na 50 – Bethan Gwanas yn teimlo’i hoed yn atodiad ‘Yr Herald Cymraeg’ yn y ‘Daily Post’.
- Mae gan Richard Burton lu o ddilynwyr ar draws y byd – Y Cynghorydd Ali Thomas o Gyngor Castell-nedd Port Talbot yn tynnu sylw at wefan newydd Llwybr Richard Burton.
- Doedd yr un o'n chwaraewyr ni yn agos at y golwr. Rwyf wedi edrych ar y digwyddiad sawl gwaith - Malky Mackay, rheolwr tîm pêl-droed Caerdydd yn credu i’r dyfarnwr Mike Dean wneud cam â’i dîm.
- Petai'r alwad ffôn yn dod, yna'n amlwg byddwn i'n hapus i'w derbyn - Chris Coleman yn mynegi ei ddiddordebyn olynu Gary Speed gan ddweud, “Os ydych chi'n cael cais i hyfforddi neu reoli'ch gwlad, yna mae'n anrhydedd.”
- Gwlith – Ceri Wyn Jones, Meuryn newydd y Talwrn yn dewis ei hoff air yn ‘Golwg’.
- I fi, Dafydd Iwan ydi dechrau canu pop Cymraeg – Dyl Mei yn ‘Golwg’.
- Dywedodd nad oedd eu heisiau [ei anrhegion Nadolig] am i Santa roi’rtŷ ar dân – Victoria, Mam Thomas Smith pedair oed, y llosgwyd eu tŷ drannoeth y Nadolig. Dywedodd wrth y ‘Daily Post’ ei fod yn meddwl mai Santa achosodd y tân.
- Wedi’r cyfan mae yna fwy o bandas mawr yn yr Alban nag o aelodau seneddol Torïaidd – Alun Pugh yn y ‘Daily Post’ yn ymuno a’r nifer gynyddol o bobl sydd wedi sylwi ar hyn.
- Diflas a niweidiol - Disgrifiad Ysgrifennydd Addysg San Steffan, Michael Gove, o'r cwricwlwm technoleg gwybodaeth presennol a fydd yn cael ei newid yn Lloegr; ond nid yng Nghymru ar hyn o bryd.
- Rhoddais fy llaw i mewn a theimlo organ ac fe’i tynnais –Y Dr Adam Carter yn rhoi tystiolaeth mewn cwest yng Nghasnewydd i farwolaeth dynes a fu farw wedi iddo geisio tynnu ei iau yn hytrach na’i haren yn ystod llawdriniaeth. Disgrifiodd teulu’r wraig y digwyddiad fel “camgymeriad gonest”.
