Creu gwahoddiad

Cynnwys y wers hon

• Cyflwyniad ar sut i greu gwahoddiad
• Cymharu dau wahoddiad priodas
• Un gweithgaredd yn ymwneud â berfau gorchmynnol
• Un gweithgaredd i greu gwahoddiad

Lesson content

• An introduction on how to create an invitation
• Compare two wedding invitations
• One activity involving imperative verbs
• One activity to create an invitation

Gwahoddiad

Rhaid cynnwys sawl darn pwysig o wybodaeth mewn gwahoddiad ac mae’n rhaid i’r wybodaeth gael ei throsglwyddo mor glir â phosib i’r darllenydd.

Ystyria:

• defnydd o liw a llun
• pennawd bachog
• gosod y manylion yn ddarllenadwy
• defnydd o ferfau gorchmynnol
• sicrhau bod y gwahoddiad cyfan yn dal sylw’r darllenydd

Gweithgaredd 1 / Activity 1

Astudia’r ddau wahoddiad i briodas Pwyll a Rhiannon. Pa un o’r gwahoddiadau yw’r gorau yn dy farn di? Ysgrifenna’r ateb yn llawn.

Ystyria'r canlynol:

• y defnydd o frawddegau llawn
• y defnydd o ffont
• y defnydd o liw
• y defnydd o ddelweddau/graffeg
• yr amrywiaeth ym maint y ffont, ee pennawd
• yr arddull hen ffasiwn / modern

Nid oes ateb cywir, ond rhaid i ti drafod pa un sydd fwyaf effeithiol yn dy farn di a pham.

Gweithgaredd 2 / Activity 2

Rwyt ti’n defnyddio gorchymyn er mwyn dweud wrth rywun beth i’w wneud.

Mae dwy ffurf i bob gorchymyn – 'ti' a 'chi':

• defnyddia ‘ti’ wrth ysgrifennu’n anffurfiol
• defnyddia ‘chi’ wrth ysgrifennu at fwy nag un person, neu wrth ysgrifennu’n ffurfiol

Wrth lunio gwahoddiad priodas, gan dy fod yn ysgrifennu’n ffurfiol, bydd angen i ti ddefnyddio’r ffurf ‘chi’.

Newida’r geiriau sydd yn y cromfachau i ferfau gorchmynnol gan ddefnyddio 'chi'.

1. (Rhedeg) chi o amgylch y cae bedair gwaith.
2. (Ysgrifennu) yn daclus yn eich llyfrau.
3. (Eistedd) chi i lawr a (bod) yn ddistaw.
4. (Ceisio) orffen eich gwaith cartref cyn mynd i’r gwely.
5. (Cofio) godi’n gynnar yfory.
6. (Darllen) eich straeon, blant. Maen nhw’n wych.
7. (Prynu) laeth a bara ar eich ffordd adref.
8. (Gweithio) yn galed yfory.
9. (Brwsio) eich dannedd cyn mynd i’r gwely.
10. (Peidio) â cherdded yn rhy agos i’r heol.

Clicia neu bwysa yma i weld os llwyddaist ti newid y geiriau’n gywir i'r ffurf orchmynnol gan ddefnyddio 'chi'.

Gweithgaredd 3 / Activity 3

Creu gwahoddiad i barti

Cer ati i greu gwahoddiad ar gyfer parti stryd.

Cofia fod angen:

• pennawd bachog
• manylion perthnasol, ee lleoliad, amser, dyddiad ac yn y blaen
• lliw a llun
• ffont amrywiol
• berfau gorchmynnol
• i’r gwahoddiad cyfan ddal sylw’r darllenydd

Nodiadau i rieni

Ar ôl gorffen y wers, bydd disgyblion yn:

• gyfarwydd â’r nodweddion sydd eu hangen mewn gwahoddiad
• medru creu gwahoddiad eu hunain

Notes for parents

After the lesson, students will be:

• familiar with the characterisics needed in an invitation
• able to create their own invitation