Ysgrifennu troslais - Fy milltir sgwâr

Cynnwys y wers hon

• Cyflwyniad yn esbonio beth yw troslais a’r defnydd a wneir o iaith ddisgrifiadol
• Un fideo yn egluro am ansoddeiriau estynedig
• Un gweithgaredd, sy'n cynnwys dau fideo, i ymestyn dealltwriaeth o ansoddeiriau estynedig
• Un gweithgaredd i lunio troslais yn disgrifio dy filltir sgwâr

Lesson content

• An introduction explaining what a voiceover is and its use of descriptive language
• One video to familiarise you with extended adjectives
• One activity, which includes two videos, to confirm an understanding of extended adjectives
• One activity writing and recording a voiceover describing your local area

Troslais

Disgrifiad sain sy’n esbonio beth sy’n digwydd ar y sgrin yw troslais.

Mae iaith ddisgrifiadol ac ansoddeiriau estynedig yn chwarae rhan bwysig wrth ysgrifennu troslais, gan fod troslais yn cyfleu’n weledol ac yn effeithiol beth sy’n digwydd ar y sgrin.

Beth yw iaith ddisgrifiadol?

• Mae iaith ddisgrifiadol yn helpu creu naws ac yn dod â lluniau’n fyw.
• Gall iaith ddisgrifiadol ychwanegu at brofiad a dealltwriaeth gwylwyr o olygfa drwy ​dynnu sylw at, a chanolbwyntio ar fanylion penodol.
• Gan amlaf mae iaith ddisgrifiadol yn ansoddair neu yn gyfres o ansoddeiriau sy’n ​pwysleisio nodweddion rhywbeth neu rywun.

Beth yw ansoddeiriau estynedig?

Mae ansoddeiriau estynedig yn disgrifio ansoddeiriau mwy cymhleth a manwl.

Wrth ddisgrifio lle neu ardal, gall ansoddeiriau sy’n cyfeirio at faint, lliw neu awyrgylch lle ychwanegu at ddyfnder y disgrifiad.

Fideo 1 / Video 1

Gwylia’r fideo yma i gael deall mwy am ansoddeiriau estynedig.

Enghreifftiau o ansoddeiriau estynedig

Edrycha ar y lluniau yma o ardal Ben Llŷn, gan y ffotograffydd Dafydd Owen.

Mae disgrifiad cyntaf pob llun yn cynnwys ansoddeiriau.

Mae ail ddisgrifiad pob llun yn cynnwys ansoddeiriau estynedig.

Sylwa sut mae’r ansoddeiriau estynedig yn dod â’r lluniau’n fyw.

1. Rhes o gytiau twt ar draeth llonydd.
2. Rhes o gytiau twt gyda drysau llachar ar draeth llonydd, distaw.

1. Garn Fydryn - mynydd pigog yn y pellter.
2. Garn Fydryn - mynydd mawreddog a phigog yn fychan yn y pellter.

1. Môr gwyrdd, swnllyd yn lapio’r pier bach.
2. Môr gwyrdd, swnllyd a ffyrnig yn lapio’r pier bychan.

1. Ŵyn bach annwyl yn y cae.
2. Ŵyn bach busneslyd yn y cae eang.

Gweithgaredd 1 / Activity 1

Milltir sgwâr

Gwylia a chymhara'r ddau fideo isod. Mae Jeia’n cyflwyno ei milltir sgwâr, Caerdydd, i ni ar ffurf troslais.

Sylwa sut mae'r ail fideo yn defnyddio llawer iawn o ansoddeiriau estynedig. Mae'r defnydd o'r ansoddeiriau estynedig hyn yn gwneud i Gaerdydd swnio fel lle hyfryd i fyw!

Ar ôl gwylio'r ddau fideo, noda’r ansoddeiriau estynedig glywaist ti yn y troslais.

Clicia neu bwysa yma i weld yr ansoddeiriau estynedig a ddefnyddir yn y fideo

Gweithgaredd 2 / Activity 2

Ysgrifenna a recordia droslais ar gyfer ffilm ddychmygol o dy ardal di - dy filltir sgwâr - gan ddefnyddio iaith ddisgrifiadol ac ansoddeiriau estynedig.

Syniadau sydyn:

• Beth am newid trefn dy frawddegau yn y troslais er mwyn denu a chadw sylw’r gwrandäwr?
• Cyn mynd ati i ysgrifennu dy droslais, beth am ddechrau yn gyntaf gyda rhestr o ansoddeiriau estynedig sy'n disgrifio'r pethau mwyaf nodedig yn dy ardal? Gelli di ychwanegu rhain i'r brawddegau yn y troslais gorffenedig wedyn.

Nodiadau i rieni

Ar ôl gorffen y wers, bydd disgyblion yn gallu:

• adnabod a deall yn hyderus beth yw ansoddeiriau estynedig
• defnyddio ansoddeiriau estynedig i lunio troslais yn disgrifio eu milltir sgwâr

Notes for parents

After completing the lesson, students will be able to:

• confidently recognise and understand what extended adjectives are and how they enrich descriptive writing
• use extended adjectives to write a voiceover describing their local area