Creu hysbyseb

Cynnwys y wers hon

• Un cyflwyniad i sut i greu hysbyseb effeithiol
• Un fideo ar yr iaith sydd ei hangen mewn hysbyseb
• Dau weithgaredd i ddeall mwy am beth sy'n gwneud hysbyseb effeithiol

Lesson content

• One introduction on how to create an effective advert
• One video on the type of language required in an advert
• Two activities to understand more about what makes an effective advert

Hysbyseb

Pwrpas hysbyseb yw hysbysebu digwyddiad a pherswadio pobl i fynychu’r hyn sy’n cael ei hysbysebu.

Gall hysbyseb hefyd fod yn ffordd o hysbysebu cynnyrch er mwyn perswadio person i’w brynu.

Arddull

Mae defnyddio'r arddull gywir yn bwysig wrth fynd ati i greu hysbyseb. Dyma rai o'r pethau sy'n bwysig er mwyn cynhyrchu hysbyseb dda.

Rhaid i ti:

• ystyried pwy yw’r gynulleidfa darged a phwy yw’r bobl rwyt ti'n ceisio eu perswadio
• defnyddio technegau arddull disgrifiadol, ee ansoddeiriau
• defnyddio berfau gorchmynnol i annog y darllenydd
• defnyddio iaith emosiynol i geisio perswadio
• cynnwys cwestiynau addas a’u hateb, gan gynnwys cwestiynau rhethregol i ddenu’r darllenydd at yr hysbyseb

Fideo / Video

Mewn tŷ anniben, llawn chwerthin, mae tri o ffrindiau yn cyd-fyw. Mae’r criw’n llunio hysbyseb i ddenu lojar newydd.

Nodiadau ar gyfer rhieni

Ar ôl gwylio'r fideo, bydd disgyblion yn gallu:

• deall prif arddulliau ysgrifennu disgrifiadol
• deall y pwysigrwydd o wybod pwy yw'r gynulleidfa briodol
• defnyddio iaith ddisgrifiadol, perswadiol a chyfarwyddiadol, drwy ddefnyddio geirfa eang ynghyd ag ansoddeiriau effeithiol a berfau gorchmynnol

Notes for parents

After watching the video, students will be able to:

• understand the main characteristics of descriptive writing
• understand the importance of knowing the target audience
• use descriptive, persuasive and instructional language by using a wide vocabulary together with effective adjectives and imperative verbal forms

Cwis

Ceisia wneud y cwis canlynol i brofi dy hun ar yr arddulliau iaith sy'n cael eu defnyddio mewn hysbysebion.

Gweithgaredd 1 / Activity 1

Gwylia'r fideo uchod a noda'r prif nodweddion iaith sy’n cael eu cyflwyno.

Mae pump nodwedd i gyd. Wyt ti'n gallu eu hadnabod nhw?

Clicia yma i weld pa nodiadau iaith sydd yn y fideo

Gweithgaredd 2 / Activity 2

Llunia hysbyseb i berswadio disgyblion i ymuno â chlwb ffitrwydd yr ysgol.

Cofia gynnwys y wybodaeth ganlynol yn dy hysbyseb:

• gweithgareddau’r clwb
• dyddiau'r wythnos ac amseroedd
• lleoliad