1988-ci il Spitak zəlzələsi - şəkillərdə

1988-ci ildə Ermənistanın şimalında baş vermiş zəlzələ nəticəsində rəsmi məlumatlara əsasən 25 min adam ölüb. Yeraltı təkanlar dağıntılara səbəb olaraq, yüz minlərlə insanı evsiz qoyub.

Spitak qaçqınları xarabalığa çevrilmiş Spitak şəhərini tərk edir, 11 dekabr 1988
Şəklin alt yazısı, 7 dekabr 1988-ci ildə Ermənistanın şimalında baş vermiş zəlzələ nəticəsində rəsmi məlumatlara əsasən 25 min adam ölüb.
Spitak zəlzələdən sonra, 12 dekabr, 1988. AFP
Şəklin alt yazısı, 6,8 maqnitud gücündə zəlzələ 80 kilometr diametrində ərazini əhatə edib.
Qorbaçov Leninakanda izdihama müraciət edir, 1988.12.10, Leninakan. AFP
Şəklin alt yazısı, Mixail Qorbaçov ABŞ-a rəsmi səfərini təxirə salıb, Ermənistanın zəlzələdən zərər çəkən bölgəsinə gedib. O, beynəlxalq aləmi Ermənistana yardım göstərməyə çağırıb.
Spitak sakini dağılmış evinin yanında, 11 dekabr 1988, AFP
Şəklin alt yazısı, 20 minə yaxın əhalisi olan Spitak şəhəri tamamilə dağılıb.
Xilas olanlar xaraba qalmış Leninakanı tərk edir, 15 dekabr 1988, AFP
Şəklin alt yazısı, 290 min əhalisi olan Leninakan, Stepanavan və Kirovakan şəhərlərinə də böyük ziyan vurulub. Ermənistanın ikinci şəhəri olan Leninakan zəlzələdən sonra heç vaxt tam özünə gəlməyib.
Spitakda tabutlar, 12 dekabr 1988, AFP
Şəklin alt yazısı, Spitak şəhərində tabutlar. Yeraltı təkanlar saat yerli vaxtla 11:41-də, uşaqların məktəbdə, yaşlıların əksəriyyəti iş yerlərində olduğu zaman baş verib.
Dağılmış evin yanında qadın, 7 dekabr 1988, AFP
Şəklin alt yazısı, Ermənistan şəhərlərinin çoxunda zərbələrə tab gətirməyə qabil olmayan bloklarla inşa edilmiş çoxmərtəbəli binalardan ibarət məhəllələr tikilmiş olub.
Sovet əsgərləri Spitak viranələri yanında, 7 dekabr 1988, AFP
Şəklin alt yazısı, Dağıntıların miqyası binaların tikintisində qüsurlu inşaat materiallarından istifadə edildiyinə dair mülahizələr doğurub. Sovet rəhbərliyi bəyan edib ki, Spitakda beş mərtəbədən yuxarı olmayan binalar tikiləcək.
Sağ qalanlar viranəlikdə eşələnir, 11 dekabr 1998-ci il, AFP
Şəklin alt yazısı, Sovet İttifaqı xilas işlərinin koordinasiya olunmadığı və cəld hərəkət edilmədiyi üçün beynəlxalq tənqidə məruz qalıb.
Çörək növbəsi, 7 dekabr, 1988-ci il. AFP
Şəklin alt yazısı, Zəlzələdən sonra sağ qalanlar çörək üçün növbələrdə durmalıydı. Sovet hakimiyyəti bəyan edib ki, fövqəladə yardım planları olmayıb.
Humanitar yardımın boşaldılması, 10 dekabr 1988, AFP
Şəklin alt yazısı, Ermənilər Fransa "Dünya həkimləri" humanitar təşkilatından alınmış tibbi yükləri boşaldır. Hakimiyyət qanköçürmə avadanlığı və "süni böyrək" aparatları lazım lazım olduğunu bəyan edib.
Çadır düşərgəsində, 15 Dekabr, 1988-ci il, AFP
Şəklin alt yazısı, Zəlzələ on minlərlə insanı evsiz qoyub. Viranə qalmış Leninakan və ətraf kəndlərdə müvəqqəti çadır düşərgələri salınıb.
Zəlzələdən sağ qalmış qadınlar biri-birinə təskinlik verir, 1988. Rex Features
Şəklin alt yazısı, Fəlakət siyasi dəyişiklikləri sürətləndirmək əvəzinə Ermənistan əhalisinin təcrid olunmuş hissini daha da dərinləşdirib. Sovet hakimiyyətinin 1989-cu ildə başladığı yeni şəhərlər inşaatı yarımçıq qaldı.
Müvəqqəti sığınacaqlar. 7 dekabr 2008-ci il, AFP
Şəklin alt yazısı, Zəlzələ zonasının bərpa edilməsinin əsas maneəsi Sovet İttifaqının dağılması olub. İllər keçmiş, bu gün də zəlzələ bölgəsində çoxları metal baraklarda yaşayır.