Rusiya sərhədçiləri Türkiyə-Ermənistan sərhədini "pozanı tutublar"

Ermənistan sərhədində keşik çəkən Rusiya Federal Təhlükəsizlik Xidməti Sərhəd İdarəsinin əməkdaşları tərəfindən "Ermənistan-Türkiyə sərhədini pozan" bir şəxsin saxlanıldığı bildirilir.

Rusiyanın Ermənistandakı sərhəd idarəsindən alınan məlumata görə, Ermənistan informasiya vasitələri, saxlanılan şəxsin Ermənistan dövlət sərhədinin Gümri sərhəd dəstəsinin nəzarət etdiyi ərazidə mühəndis-texniki vasitələrlə keçməyə cəhd etdiyi deyilir. Lakin onun adı açıqlanmır.

Yoxlama tədbirləri nəticəsində onun mobil telefonunda mühəndis-texniki qurğuları və dövlət sərhədində yerləşən istehkamların video və foto görüntülərini ehtiva edən fayllar aşkar edildiyi iddia olunur.

"Saxlanılan şəxs qanuna əsasən nəzərdə tutulan qaydada Ermənistan Respublikası hüquq-mühafizə orqanlarına ötürülüb. Hazırda hadisənin təfərrüatlarını aydınlaşdırmaq üçün müvafiq tədbirlər görülməkdədir", məlumatda deyilir.

Dövlətlərarası müqaviləyə əsasən, Ermənistan-Türkiyə sərhədində Rusiya Federal Təhlükəsizlik Xidmətinin (FTX) sərhəd qoşunları keşik çəkir.