Təkbuynuzlar necə yaranıb?

10 Dekabr 2018

At ilə kərgədan arasında bir formaya bənzər tək buynuzlu atlar, Rusiyanın şimalında yerləşən Sibir əyalətində ilk insan ilə eyni anda peyda olub. Bəs insanlardakı bu təkbuynuz sevdası haradan yaranıb və onlar haqqında hansı mifləri bilirik?

Sibir təkbuynuzu belə təsəvvür edilir — Şəklin alt yazısı, Uzunluğu 4 metr, hündürlüyü 2.5 metr, çəkisi 3.5 ton və alnının ortasında buynuzu olan canlı necə adlanır? Nəhəng Sibir təkbuynuzu. Natural History Muzeyinin tədqiqatçılarına görə, Sibir təkbuynuzları Buz Dövründən əvvəl yaşayıblar və ilkin insanlarla eyni vaxtda 35 min il əvvəl mövcud olublar. Şəkildən də gördüyünüz kimi, bu tək buynuzlu atı nə göy qurşaqları, nə də zər bəzəyir. Onlar indiki kərgədanların əcdadları hesab edilir. Kərgədanlardan daha böyük ölçüyə və ağır çəkiyə malik olublar.

Təkbuynuz — Şəklin alt yazısı, Bu, təkbuynuzu təsvir edən klassik şəkildir. Sibir tək buynuzlu atı kimi böyük və ya tüklü deyil. Bəs təkbuynuzların populyarlığının səbəbi maraqlıdırmı? Qələm qutunuza və ya dostunuzun məktəb çantasına nəzər yetirin... hansınınsa üzərində təkbuynuz gözünüzə dəydimi? Yəqin ki, hə! Yaxşı, bu əsrarəngiz varlıqlar haqqında nə bilirik?

Təkbuynuz — Şəklin alt yazısı, Təkbuynuzlar haqqında hekayələr min illər ərzində mövcud olub. Məsələn, tək buruq buynuzlu atlar kimi mifoloji varlıqlar. Bu şəkil İngiltərənin Wilthsire qraflığında yerləşən Stonehenge-də günəşin günorta üfüqdə ən aşağı həddə göründüyü gün münasibətilə qışda təşkil olunan mərasim (solstice ceremony) zamanı çəkilib. Təkbuynuz maskası geyinən qadın, xəyali canlıları gözəl saydığını deyir.

Balet — Şəklin alt yazısı, Avstriyanın paytaxtı Vyanada yerləşən Şəhər Bələdiyyə Binasında təqdim olunan Lifeball balında balet ulduzu Rainer Krenstetter təkbuynuz kostyumu geyinib. Təkbuynuzlar adətən dümağ göstərilirlər. Amma hekayələrdə onların qapqara, qəhvəyi, parlaq qızılı, parlaq qırmızı və ya çəhrayı olduğu deyilir.

təkbuynuz — Şəklin alt yazısı, Görəsən bu şəkil Qadağan olunmuş Meşədə çəkilib? Təkbuynuzlar bir məşhur şəxs üçün mühüm varlıqlar olub. Xatırladınızmı? Lord Voldemort, əlbəttə ki! Harry Potter və Fəlsəfə Daşı (Harry Potter and Philosopher’s Stone) əsərində göstərilir ki, Adı Naməlum olan Şəxs sağ qalmaq üçün təkbuynuz qanı içməlidir. Harry Potter dünyasında təkbuynuz öldürmək dəhşətli cinayət sayılır.

Şəklin alt yazısı, Təkbuynuz kostyumları partilərdə tez-tez müraciət edilən geyim olur. Kalifornia ştatının Sacramento şəhərində təşkil edilən Halloween Paradında Parker adlı bu itə sahibləri təkbuynuz kostyumu geyindiriblər. Çox şirin görünür. Lakin Halloween olduğunu nəzərə alsaq, qorxu hissi yaratmır.

Tort — Şəklin alt yazısı, Təkbuynuzlar canlılardan başqa mövzularda da son dərəcə populyardır. Təkbuynuz tortu və ya hətta, rəngbərəng təkbuynuz nəcisi görmüsünüzmu? Şəkildəki isə ləzzətli görünür!

Narvallar — Şəklin alt yazısı, Təkbuynuz ideyasının haradan qaynaqladığı heç kimə bəlli deyil. Orta Əsrlərdə bir çoxları, təkbuynuz buynuzunun xəstəliklərə əlac olduğuna inanırdı. Təkbuynuz buynuzu kimi göstərilən buynuzlar kərgədan və narval adlı şəkildəki heyvanlardan götürülüb. Bu qəribə məməlilər təkbuynuz balinaya oxşayırlar. Onları dəniz təkbuynuzları da adlandırırlar.