Baykonurdan göyə qalxan Rusiya raketi havada partlayıb

Fəzaya GLONASS naviqasiya sisteminin 3 peykini çıxaracaq "Proton-M" raketi uçuşun ilk anlarında trayektoriyasından çıxaraq partlayıb.

“Rossiya-24” televiziya kanalının canlı yayımındakı kadrlarda yan çökən raketin yerə düşməsindən əvvəl pərəm-pərəm olduğunu görmək olar.

Hadisənin araşdırılması üzrə komissiya yaradılıb.

Qəzadan dərhal sonra Fövqəladə Hallar Nazirliyi yaxındakı yaşayış məntəqələrindəki əhalinin evakuasiyasını nəzərdən keçirib.