Nepal zəlzələsi: yüzlərlə ölən və yaralanan var

Şəklin mənbəyi, EPA

Nepalda son 80 ilin ən güclü zəlzələsində 1000-dən artıq adam ölüb, polis bildirir. Çoxsayda xəsarət alan var.

7,9 bal gücündə yeraltı təkanlar geniş dağıntılar törədib.

Zəlzələnin episentri paytaxt Katmandudan 77 kilometr aralıqda yerləşib.

Nepal rəsmisi zəlzələ mərkəzində "geniş dağıntılar"ın olduğunu bildirib.

Hindistanda ən azı 13 nəfərin öldüyü bildirilir. Ölüm halları Banqladeşdə də qeydə alınıb.

Yeraltı təkanlar qonşu Pakistan, Banqladeş və Hindistanda hiss olunub.

Xilasetmə əməliyyatlarına hərbçilərin cəlb olunduğu xəbər verilir.

Şəklin mənbəyi, Reuters

Şəklin alt yazısı, Xilasetmə əməliyyatlarına hərbçilərin cəlb olunduğu xəbər verilir.
Hakimiyyət çox sayda xəsarət alanların olduğunu bildirir.

Şəklin mənbəyi, AP

Şəklin alt yazısı, Hakimiyyət çox sayda xəsarət alanların olduğunu bildirir.
Katmandudakı qüllənin dağıntıları altında onlarla adamın qaldığı güman edilir.

Şəklin mənbəyi, AFP

Şəklin alt yazısı, Katmandudakı qüllənin dağıntıları altında onlarla adamın qaldığı güman edilir.

Şəklin mənbəyi, Reuters

Katmanduda UNESCO mədəniyyət irsi obyektləri siyahısına salınmış qədim qüllənin dağıntıları altında onlarla adamın qaldığı güman edilir. Xilasedicilər dağıntılar altında qalanları çıxarmağa çalışırlar.

"Çox dəhşətli idi. Torpaq ayağım altında oynayırdı...Xəstəxanada müalicə gözləyirəm, lakin [tib işçiləri] çox məşğuldurlar”, - divarın uçması nəticəsində xəsarət alan şəxs AFP agentliyinə bildirib.

Skip Ən çox oxunan and continue reading
Ən çox oxunan

End of Ən çox oxunan

Bir çox binalar uçub. Nəqliyyat sisteminin işi pozulub, ölkənin əsas eroportu fəaliyyət göstərmir.