"Design 2015" müsabiqəsinin finalçıları - yeni məscid, süni əl, sürücüsüz avtomobil və sairə

29 Mart 2015

İstanbulda qeyri-ənənəvi görünüşü ilə seçilən məsçid, özü özünü idarə edən avtomobil, 3D printerdə çap edilən əl protezi kimi onlarca zövqlü və faydalı əşya "2015-ci ilin Dizaynı" müsabiqəsinin finalçısı olub.

Yaşıl Moocall - Designs of the Year 2015 müsabiqəsinin finalçısı — Şəklin alt yazısı, Bu müsabiqəyə 76 məhsul nominasiya edilib. Burada biz finalçılardan bəzilərinin işlərini təqdim edirik. İnəyiniz hamilədirmi? Doğuş nə vaxt olacaq? Burada yaşıl "Moocall" köməyinizə yetə bilər. Sensor inəyin quyruğuna bağlanır və fermerlərə həyəcan siqnalı verir.

Müasir masa - Designs of the Year 2015 müsabiqəsinin finalçısı — Şəklin alt yazısı, "Müasir masa" - özündə üslubla texnologiyanı birləşdirir. O telefonların, tabletlərin və kompüterlərin batareyalarını doldurur. Masanın səthindəki Günəş batareyası isə o deməkdir ki, elektrik lampasına ehtiyac yoxdur.

Daniel Layihəsi - Designs of the Year 2015 müsabiqəsinin finalçısı — Şəklin alt yazısı, Daniel Layihəsi - dünyanın ilk 3D printrerli protez laboratoriyasıdır. Onun yaradıcısı Mick Ebeling bu layihəyə Sudanda malqara otararkən iki əlini itirmiş Daniel Omarın adını verib. Burada yerli hospitalda 3D printeri var və o itirilmiş ətraflara "süni əvəz" çap edir.

İstanbuldakı Sancaklar məsçidi - Designs of the Year 2015 müsabiqəsinin finalçısı — Şəklin alt yazısı, Bu bina başqa standart tikililərdən heç nəyi ilə fərqlənmir. Hərçənd bu, İstanbuldakı Sancaklar məsçidinin yeni binasıdır. Emre Arolat Architects şirkətinin dizaynerləri demək istəyiblər ki, məsçidin ənənəvi görünüşdə olması mühüm deyil. Pak olan hər bir yerdə ibadət etmək olar.

Endana məktəbinin şəhərciyi - "Designs of the Year 2015" müsabiqəsinin finalçısı — Şəklin alt yazısı, Bu foto Keniyadakı Laikipiada yerləşən Endana orta məktəbinin Uoterbank şəhərciyində çəkilib. Buradakı stadion da daxil hər bina yağış sularını toplayır.

"Okean Təmizləyən Qurğu" - "Designs of the Year 2015" müsabiqəsinin finalçısı — Şəklin alt yazısı, "Okean Təmizləyən Qurğu"nu holland ətraf mühitçisi Boyan Slat düşünüb. O 16 yaşında olarkən Yunanıstan sahillərində balıqdan çox plastik torbalarla rastlaşıb. Təklif olunan bu qurğu üzən arakəsmələr şəbəkəsindən ibarətdir. Təbii axınlar plastik tullantıları mərkəzi platformaya gətirib çıxarır.

BMW - Designs of the Year 2015 müsabiqəsinin finalçısı — Şəklin alt yazısı, Bundan əvvəlki illərdə olduğu kimi nəqliyyat bölümünün nominantları əsas diqqətlərini eko-məhsula və səmərəyə yönəldiblər. BMW-nun i8 plug-in hybrid modeli səmərəliyini konstruksiyanın yüngüllüyü ilə əldə edib.

Google - un "sürücüsüz avtomobili" - "Designs of the Year 2015" müsabiqəsinin finalçısı — Şəklin alt yazısı, Bu avtomobildə "idman görkəmi" olmasa da, onun başqa bir heyrətamiz cəhəti var. "Google" şirkətinin bu avtomobili özü özünü sürür.

"Həlqəli təkərlər" - "Designs of the Year 2015" müsabiqəsinin finalçısı — Şəklin alt yazısı, Həlqəli təkərlər əlil arabası sürənlərin daha rəvan hərəkəti üçün ixtira edilib. Həlqələr adi tutatacaqları əvəz edir.