Kabulda "Fərxundə üçün ədalət" etirazları yetişir

Əfqanıstan paytaxtı Kabulda səhvən Quranı yandırmaqda günahlandırılan qadının öldürülməsinə qarşı etirazlar yetişib.

2000-dən çox adam ötən həftə qaragüruh tərəfindən döyülərək öldürülən 28 yaşlı Fərxundə üçün ədalət tələb edərək yürüş keçirib.

Çərşənbə axşamı keçirilən etirazlardan əvvəl Facebook-da Fərxundənin öldürülməsinə tərəfdar çıxan polis sözçüsü vəzifədən qovulmuşdu.

<link type="page"><caption> Videonu izləyin - Kabul: Kişilərin yandırdığı qadını qadınlar dəfn etdilər</caption><url href="http://www.bbc.co.uk/azeri/multimedia/2015/03/150323_afghanistan_farkhunda_burial.shtml" platform="highweb"/></link>

Polis deyir ki, hadisə ilə bağlı azı 19 adam həbs edilib.

Bəzi etirazçılar Fərxundənin qanlı üzünü göstərən plakatlar daşıyıb, digərlərisə öz üzlərini qırmızı boya ilə rəngləyib.