Çəkməçi "Əli dayı" - şəkillərdə

Şəklin alt yazısı, Bir çoxlarının Əli dayı kimi tanıdığı çəkməçi Əli Əhmədov 1934-cü ildə Şəkidə anadan olub. 1937-ci ildə atası repressiya qurbanı olduğundan, oxumağa imkanı olmayıb və təhsilini 6-cı sinifə qədər alıb.

Şəklin alt yazısı, Hələ Şəkidə ikinci sinifdə oxuyarkən dayısının köməyi ilə Nizaminin “Xəmsə”sini oxumağa başlayıb, daha sonra əsəri əzbər öyrənib.

Şəklin alt yazısı, Əli Əhmədovun emalatxanasında bütün növ ölçülü çəkmələr üçün qəliblər var. Ölçülər isə 13-dən başlayıb 56-da bitir.

Şəklin alt yazısı, 1952-ci ildə Bakıya köçəndən sonra bir müddət sexdə ayaqqabı tikməyə başlayıb. Daha sonra 1959-cu ildə Əlibaba Abdullayev onu Dövlət Filarmoniyasına işə dəvət edib.

Şəklin alt yazısı, O gündən bu günə kimi Filarmoniyanın rəqqaslarının çəkmələrini Əli dayı tikir.

Şəklin alt yazısı, 1991-ci ildə o, “Əməkdar mədəniyyət işçisi” adını alıb.

Şəklin alt yazısı, Əli dayının emalatxanasında, Qətran Təbrizidən üzü bu yana bir çox şəxsiyyətlərin portretləri yer alıb.

Şəklin alt yazısı, Bir çox tanınmış şəxslərin çəkmələrini də o tikib. Onların arasında Rəşid Behbudov, Osman Mirzəyev, Tahir Salahov və digərlərinin adları da var.

Şəklin alt yazısı, Yazıçı Bəxtiyar Vahabzadənin yaxın dostu olub. Bundan başqa Vahabzadə, Osman Mirzəyey, Hacıbaba Hüseynov, Vaqif Səmədoğlu və başqaları onun haqqında şeir və yazılar yazıblar.

Şəklin alt yazısı, Hər səhər işə başlamazdan əvvəl emalatxanasında olan yazıçı və şairlərin kitablarından bir neçə səhifə şeir, yaxud da yazı oxuyur. Yorulanda da muğamlara qulaq asmağa üstünlük verir.

Şəklin alt yazısı, Üç övladı olmasına baxmayaraq, heç biri onun yolunu davam etdirmək istəməyib. Səbəbi Əli dayı bu işin çətin olması ilə əsaslandırıb.