Füzuli sakini: "Yaddaşımda olanları xatırlayıb tapıram ki, hansı evdən sonra hara gəlir"
- Müəllif, Səadet Akifqızı, Cəmilə İbrahimova
- Vəzifə, Füzuli, BBC News Azərbaycanca
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Video açılmırsa, YouTube da izləyin.
27 ildən sonra Azərbaycan hökuməti rəsmilərilə doğma yurduna gələn Şadiyə Qəhrəmanova Füzuli şəhərində ancaq bunları tapıb: quru divarlar, kol-kos basmış küçələr.
1993-cü ilin avqustunda işğal edilən Füzuli şəhəri bu il oktyabrın 17-də azad edilib. Amma şəhərin yalnız adı var: heç bir salamat bina yoxdur, vaxtilə mərkəzi küçə indi xarabalığı xatırladır.
Azərbaycan rəsmiləri deyirlər ki, işğal zamanı bu evlər salamat olub, sakinlər yalnız şəxsi əşyalarını götürüb çıxıblar.
Ermənistan hələ ki, Azərbaycanın dağıntılar barədə iddialarına rəsmi cavab verməyib.
