Trump: Musk-ın yeni partiya yaratması "gülüncdür"

BBC News Azərbaycanca Xidmətinin hazırladığı xəbərləri, təhlilləri və videoları birbaşa WhatsApp Kanalımızda izləyin. Qoşulmaq üçün linkə klikləyin.

Donald Trump Elon Musk-ın yeni bir partiya yaratmaq istəməsindən narazı qalıb.

Birləşmiş Ştatların Prezidenti jurnalistlərə deyib:

"Məncə, üçüncü partiya qurmaq gülüncdür. Burda həmişə ikipartiyalı sistem olub və məncə, üçüncü partiya yaratmaq ancaq çaşqınlıq yaradar"

Trump öz Truth social hesabında Elon Musk-ı qatara bənzədib. O yazıb ki, Musk-ın "relsdən çıxıb qəza törədəcəyini" izləmək onu kədərləndirir.

Elon Musk öz X hesabında izləyicilərinə xitabən yazıb: "Amerika partiyası sizin azadlığınızı geri qaytarmaq üçün yaradılır".

Elon Musk prezident seçkisində Trump-ın ən yaxın dəstəkçilərindən biri olub. Amma bir müddət əvvəl büdcə layihəsinə görə, onların münasibəti pozulub.

Video açılmırsa, Youtube kanalımızda baxın.