Bakıda ev heyvanlarının moda şousu

İçəri Şəhərdə baş tutan Pet Fashion Show ( Ev heyvanlarının moda şousu) Azərbaycan Moda Həftəsinin (Azerbaijan Fashion Week) çərçivəsində keçirilib.

Kolleksiyanın dizayneri Nailə Əliyevadır.

O, moda biznesi ilə 4 ildir ki məşğul olduğunu deyir. Lakin paltar dizaynı ilə bir ildir məşğuldur.

Nailənin sözlərinə görə, o istəyir ki bu tədbirdən sonra insanlar heyvanlara daha çox qayğı göstərsin.

Pet Fashion Show-da modelliyi öz sevimli ev heyvanları ilə birgə müğənnilər, ailə üzvləri, jurnalistlər və tədbir iştirakçıları edib.

Azərbaycan Moda Həftəsi öz işini şənbə günü yekunlaşdırıb.