 | | | | | | | ||||||||||||||||||
| | |||||||||||||||||||||||
|
Ndryshimet klimatike në fokus në Nju Jork | |||||||||||||||||||||||
Ministri britanik për energjinë dhe klimën, Ed Miliband, i ka thënë BBC-së se shpreson se mund të arrihet një marrëveshje për përballimin e ndryshimit të klimës. Ai tha se njerëzit duhet të kuptonin nevojën e urgjencës, pasi ndryshimet klimatike po preknin jetën e miliona njerëzve. Më vonë gjatë ditës së martë, udhëheqësit botërorë do të mblidhen në Nju-Jork për një takim të nivelit të lartë mbi ndryshimin e klimës. Diskutimet në OKB do të pasohen nga një samit i rëndësishëm i G20 në qytetin amerikan të Pittsburgh-ut. Sekretari britanik për Klimën, Ed Miliband pranoi se një marrëveshje mbi një traktat të ri për ulje të ngrohjes globale ende nuk ishte vendosur. Vëmendja në Nju-Jork është përqëndruar sidomos në atë që do të thotë presidenti Obama dhe homologu i tij kinez, Hu Jintao. Këto dy vende, si rezultat i shkallës së lartë të emetimeve, por edhe si rezultat i statusit të tyre simbolik, në të vërtetë mbajnë çelësin e një marrëveshje të suksesshme. | ||||||||||||||||||||||||
| ||||||||||||||||||||||||
| ||||||||||||||||||||||||
Arkiv