Ajo është dënuar me 18 muaj shtesë të arrestit shtëpiak.

Znj. Suu Kyi akuzohej se shkeli arrestin shtëpiak kur lejoi një shtetas amerikan, që të qëndronte në shtëpinë e saj buzë liqenit në muajin maj.

Ajo vetë nuk i pranoi akuzat edhe pse ka deklaruar se priste të shpallej fajtore.

Kritika

Mbështetësit e udhëheqëses pro-demokracisë i akuzojnë autoritetet ushtarake se duan që ta burgosin udhëheqësen e tyre që ajo të mos marrë pjesë në zgjedhjet e vitit të ardhshëm.

Dëshmitarë në vendngjarje thonë se seanca gjyqësore u zhvillua mes masave të rrepta të sigurisë.

Trajtimi i udhëheqëses së opozitës nga opozita është kritikuar ashpër nga perëndimi dhe vendet fqinje të Birmanisë.

Aung San Suu Kyi u arrestua për herë të parë para 20 vjetëve nga autoritetet ushtarake të Birmanisë.

Që atëherë, ajo ka kaluar 14 nga këta 20 vjet në arrest.