Fatos Ahmati BBC Tiranë

	Projektligji u propozua nga zoti Berisha në një mbledhje të qeverisë

Reagimi erdhi pas deklaratës së kryeministrit shqiptar, Sali Berisha në mbledhjen e qeverisë.

Në një dalje para mediave, deputeti i PS, Eduard Shalësi bëri përgjegjës drejtpërdrejt zotin Berisha për situatën sipas opozitës të vështirë në fshatin shqiptar.

Sipas deputetit Shalësi, deklaratat e kryeministrit vijnë për faktin se ai jeton larg fshatit dhe nuk njeh realitetin.

Shqipëria është vendi me sipërfaqen e tokës së punueshme më të vogël në Evropë për frymë të popullsisë.

Ajo ka vetëm 24 për qind të territorit tokë bujqësore, e barabartë kjo me 700 mijë ha.

Afro 14 për qind e saj është tokë e pandarë dhe thuajse e braktisur.

Shifrat e tokes së punueshme janë të ulta e po kështu edhe niveli i mekanizimit të punimeve.

Shoqatat e pronarëve dhe disa forca politike të djathta kanë cilësuar si shkaktar kryesor të kësaj gjendje, ligjin 7501 për ndarjen e tokës të miratuar në fillim të viteve ’90 nga PS e PD dhe kanë kërkuar vazhdimisht shfuqizimin e tij.