Ai tha se ishte krenar për politikën që ka ndjekur në ekonomi dhe në fushën e politikës së jashtme si dhe me vendimin për t'i dhënë fund torturës gjatë procesit të marrjes në pyetje, por shtoi se kishte ende shumë punë për të bërë.

Që në fillim të fjalimit të tij presidenti Obama theksoi se buxheti i tij prej 3 .5 trilion dollarësh është në vazhdimësi të hapave të ndërmarrë gjatë 100 ditëve të kaluara në kuadër të përpjekjeve për t'a nxjerrur ekonominë amerikane nga recesioni.

Zoti Obama tha se kishte shpresë se kompania a madhe amerikane e makinave, Chrysler do të rimëkëmbej.

Ndonëse fokusi i tij kryesor ishte ekonomia, çështjet qe u preken ishin nga më të ndryshmet, nga gripi i derrave e deri tek aborti apo politika e jashtme.