Bursa e Tokio ra të martën në nivelin më të ulët në 26 vjet

Kjo shihet si një përpjekje për të rritur çmimin e aksioneve, që ka pësuar rënie të ndjeshme.

Zoti Yosano tha se rënia e vlerës së aksioneve po e dëmtonte ekonominë.

Ai tha se ajo po reduktonte kapitalin e bankave japoneze, të cilat janë aksionere të mëdha.

Ekonomia e Japonisë, e dyta në botë për nga madhësia pas Shteteve të Bashkuara, pësoi një rënie 3.3% në tremujorin e fundit të vitit të kaluar.

Vlera e aksioneve në bursën e Tokios ra përkohësisht të martën në nivelin më të ulët që prej 26 vjetësh, dhe në fund të ditës u mbyll me një humbje 1.5%.

Të hënën bursa e Nju Jorkut ra në nivelin më të ulët që prej 12 vjetësh.