Ish-kryeministri britanik, Blair, drejton bisedimet e Kuartetit

Bisedimet në Portugali synojnë të gjejnë rrugë për të zhbllokuar procesin e paqes mes Israelit dhe palestinezëve.

Në takim marrin pjesë zoti Blair dhe sekretarja amerikane e shtetit, Condoliza Rice, homologu i saj rus, Sergei Lavrov dhe përfaqësues të lartë nga Bashkim Europian dhe Kombet e Bashkuara.

Shefi i Bashkimit Europian për Politikën e Jashtme, Havier Solana, i tha BBC-së se ishte e rëndësishme që palestinezët të ishin më të organizuar dhe se nevojiteshin investime nga donatorët ndërkombëtarë.

Kjo është mbledhja e parë e Kuartetit që prej muajit të kaluar kur lëvizja islamike, Hamas, morri kontrollin në Gazë dhe vjen vetëm disa ditë pas deklarimit të Presidentit Bush për një ofensivë të re amerikane për paqen në Lindjen e Mesme.