Delegacioni i Agjencisë së OKB-së për Energjinë Bërthamore

Agjencia thotë se marrëveshja është arritur gjatë bisedimeve dy ditore që u zhvilluan në Iran gjatë javës.

Teherani do të lejojë inspektorët e Kombeve të Bashkuara të vizitojnë një reaktor të të ashtuquajturit "ujë i rëndë" që është në ndërtim e sipër e ku mund të prodhohet pluton, një përbërës i rëndësishëm për armët bërthamore.

Megjithatë, dy palët nuk kanë diskutuar për çështjen kryesore që është kërkesa e OKB-së që Irani të pezullojë programin e pasurimit të uraniumit nga frika se mos Teherani dëshiron të prodhojë armë bërthamore.

Udhëheqësit e Iranit e mohojnë këtë pretendim.