Autoritetet amerikane thonë se ai do të inkurajojë udhëheqësit irakianë të rrisin përpjekjet e tyre për t'i dhënë fund dhunes sektare.

Ambasadori i ri amerikan në Bagdad, Ryan Crocker, tha se ai pret që zoti Çeni të ritheksojë pikëpamjen amerikane se SHBA po ndërmerr përpjekje të shumta për të përmirësuar situatën e sigurisë.

Zoti Çeni është takuar me komandantin amerikan në Irak, gjeneralin David Petraeus, dhe pritet që të kalojë pjesën tjetër të ditës me kryeministrin irakian, Nouri al-Maliki, dhe figura të tjera të rëndësishme.