Vladimir Putin tha të enjten se Rusia do të pezullonte pjesëmarrjen në Traktatit Evropian për kontrollin e armëve konvencionale.

Udhëh4qësi rus e bëri këtë njoftim gjatë fjalimit vjetor të mbajtur para kombit.

Ai e lidhi vendimin e marrë me planet amerikane për të ngritur sistemi mbrojtëse anti-raketore në Evropën Lindore, plane që sipas tij, kërcënojnë sigurinë globale.

Reagimi i Jaap de Hoop Scheffer ndaj deklaratës së z. Putin, ishte: "shqetësim i madh, zhgënjim dhe keqardhje".

Reagimi

Me këto fjalë ai përmblodhi reagimin e gjithë vendeve anëtare të NATO-s.

Z. de Hoop Scheffer shtoi se anëtarët e aleancës e konsiderojnë traktatin e armëve si një nga arritjet në fushën e sigurisë në Evropë.

Marrëveshja që u arrit në vitin 1990, kufizon dislokimin e trupave dhe mjeteve ushtarake dhe u rishikua pas kolapsit të Traktatit të Varshavës.

Bëhet fjalë për çështje me rëndisë madhore: NATO do që Rusia të tërheqë trupat nga Gejorgjia dhe Moldavia.

Por kjo mosmarrëveshje shkon edhe më larg se kaq.

Shqetësimi i Rusisë rreth një plani amerikan për të instaluar stacione radarësh në evropën Lindore , gjithsesi po vinte në rrinte.

Uashingtoni thotë se qëllimi i ngritjes së tyre është që të shmangen sulme të mundshme raketore ga Koreja e Veriut, Irani a vende të tjera në Lindjen e Mesme. Por Rusia thotë se objektivi është ajo.