Një zyrtare e lartë amerikane, Rosemary Di Carlo i ka kërkuar klasës politike shqiptare të gjejë konsensusin për çështjet madhore të reformës në vend.

Zonja Di Carlo që po viziton Shqipërinë që prej dy ditësh tha se zgjedhjet e 18 shkurtit duhet të jenë të lira dhe të ndershme dhe se ato janë zgjedhje të rëndësishme për zhvillimin e ardhshëm të Shqipërisë.

Ndërkaq, misioni i vëzhgimit OSBE- ODIHR ka nxjerrë raportin e tij të dytë në prag të zgjedhjeve për periudhën 15 janar-3 shkurt.

Misioni i vëzhguesve vë theksin në ashpërsimin e klimës politike në vend me afrimin e datës së zgjedhjeve.