Ish-kryeadministratori i OKB-së për Kosovën, Soren Jessen-Petersen i ka thënë BBC-së se rezultati përfundimtar për Kosovën do të jetë pavarësia e saj dhe ka shtuar se me rëndësi për të tani është ndarja e saj nga Serbia. Jessen-Petersen ka thënë se zgjidhja përfundimtare do të bëhet nga fundi i këtij viti dhe ajo sipas tij do të kënaqë shumicën dërrmuese e cila do të ketë përgjegjësi që ta bëjë atë të pranueshme edhe për pakicën. Zoti Jessen-Petersen tha se ajo që është me rëndësi për Kosovën është ndarja e saj me Serbinë dhe kjo është ajo që unë e kam kuptuar gjithmonë dhe për këtë nuk ka dyshime. Ai ka shtuar se zgjidhja përfundimtare do të kënaqë shumicën e cila megjithatë është përgjegjëse për ta akomoduar pakicën.
| 
Arkiv