 | | | Condoleezza Rice |
Condoleezza Rice i ka bërë një ofertë të re shumë të rëndësishme Iranit. Në një fjalim në Uashington, ajo tha se SHBA-ja do të ulet në tavolinë- siç u shpreh ajo- me përfaqësuesit e Iranit. SHBA-ja nuk ka patur marrëdhënie diplomatike me Iranin që nga viti 1979 dhe shumë pak kontakt zyrtar. Por oferta e Amerikës për bisedime të drejtëpërdrejta ka një kusht shumë të rëndësishëm. Irani- tha sekretarja e shtetit- fillimisht duhet të heqë dorë nga aktiviteti i tij bërthamor dhe aktivitetet e pasurimit, aktivitete këto që SHBA-ja dhe shumë vende të tjera perëndimore besojnë se mund të çojnë në prodhimin e armëve bërthamore. Megjithatë brenda Uashingtonit këtë e konsiderojnë si një ndryshim të rëndësishëm në politikën amerikane, veprim që e vë theksin më shumë tek diplomacia sesa tek konfrontimi në marrëdhëniet me Iranin. | 
Arkiv