Një zëdhënëse e Agjencisë tha se shtetet evropiane që sponsorizojnë projektin donin të merrnin përkrahjen e sa më shumë delegatëve që të ishte e mundur pasi kjo mund t'i dërgojë një mesazh të fortë Iranit për të respektuar detyrimet që ka.

Në Gjermani, kancelarja Angela Merkel tha se Irani nuk mund të lejohet të zhvillojë armë bërthamore.

Ka një shumicë të fortë në favor të raportimit të Iranit në Këshillin e Sigurimit.

Vetëm disa vende, midis tyre Venezuela, Kuba dhe Siria pritet të votojnë kundër.

Irani që këmbëngul se ambiciet bërthamore janë paqësore, ka kërcënuar me pasurim në shkallë të gjerë të uraniumit, nëse raportohet në Këshillin e Sigurimit.