 | | | Thirrje për luftë frontale kundër AIDS-it |
Dita Botërore e AIDS-it është shënuar në Afrikën e Jugut në mesin e mosmarrëveshjeve të thella midis veprimtarëve dhe qeverisë për mënyrën se si mund të luftohet epidemia. Ministrja e Shëndetësisë, Manto Tshabalala-Msimang, përsëri nuk pranoi të mbështeste plotësisht përdorimin e medikamente anti-retrovirale, që sipas saj nuk të kurojnë. Veprimtarët e AIDS-it kanë ngritur padi kundër ministres duke e akuzuar se nuk po mbron shëndetin publik. Agjencia e OKB-së për AIDS-in ka bërë thirrje për një angazhim të ri për të luftuar sëmundjen duke thënë se ajo duhet goditur në të gjitha frontet. Numri i të prekurve me HIV/AIDS ka arritur në më shumë se 40 milionë - që do të thotë se duhen me shumë masa mbrojtëse, më shumë mjekim dhe më shumë kujdes. | 
Arkiv