Marrëveshja e nënshkruar ka vlerë prej 2 miliardë dollarësh

Zëdhënësi i departamentit amerikan të shtetit, Sean McCormack, tha se Uashingtoni i kishte shprehur edhe më parë dyshimet mbi shitjen.

Presidenti Chavez është një gjemb për administratën e Bushit dhe kjo shitje e ka shtuar akoma më shumë mungesën e rehatisë.

Autoritetet amerikane mendojnë se Venezuela po përdor të ardhurat e naftës për të destabilizuar Amerikën jugore nëpërmjet blerjeve te armëve, programeve të naftës me çmime të lira për fqinjët dhe nëpërmjet përkrahjes që i jep lëvizjes së krahut të majtë.

Zoti Mccormack konfirmoi se Uashingtoni po ekzaminonte marrëveshjen për të parë nëse pajisja spanjolle kishte teknologji të mbrojtur amerikane.

Edhe më herët, diplomatët amerikanë kishin sugjeruar se Uashingtoni mund të bllokonte shitjen dhe blerjen.

Presidenti venezuelas tha se pajisjet janë të nevojshme për të luftuar trafikun e drogës.

Ai shtoi se është SHBA dhe jo ai që po përpiqen të dominojnë Amerikën jugore.