Raporti i botuar në Uashington Post thotë se vende të tilla ishin në Evropën lindore, Afganistan dhe dikur dhe në Tajlandë.

Rrethanat dhe vendndodhja e terroristëve të profilit të lartë ruhen sekret në Uashington.

Fati i personave të tillë si Khalid Sheik Mohamed që mendohet se ka planifikuar sulmet e 11 shtatorit është thjesht mister.

Gjithmonë është menduar se persona të tillë mbahen në vende sekrete jashtë SHBA -së, por jo në Guantanamo.

Gazeta citon ish oficerë dhe oficerë aktuale që thonë se të dyshuarit terroristë mbahehsin në një vend në Evropën lindore në një ndërtesë që i përkiste kohës së ish BS.

Gazeta thotë se zyrtarë të lartë amerikanë kishin kërkuar që emri i vendit të mos bëhej publik.

Gazeta thotë se rrjeti i vendeve ku mbaheshin këta të dyshuar ishte ngritur pas 11 shtatorit 2001 kur SHBA filloi arrestimin e atyre që besoheshin se ishin anëtarë të lartë të al-Kaidas.

Autoritete të CIA-s refuzuan të komentonin për raportin, por individë me lidhje të ngushta me shërbimet sekrete thanë se qeveria amerikane e mban gjithmonë sekret mbajtjen e të dyshuarve në një vend të huaj.

Në këtë mënyrë, të arrestuarit nuk mund të kontestojnë çështjen në gjykata amerikane dhe mund të merren në pyetje për një kohë më të gjatë.