 |  Kjo është greva e dytë brenda pak muajsh |
Avokatët që përfaqësojnë të burgosurit në qendrën amerikane të paraburgimit në Gjirin Guantanamo në Kubë, thonë se një numër i madh i tyre janë futur në grevë urie. Sipas avokatëve, klientët e tyre kërkojnë gjykimin a lirimin e tyre të menjëhershëm. Avokatët thonë se rreth 200 të burgosur po refuzojnë ushqimin dhe se njëri prej tyre ka shkruar madje një Amanet në pritje të vdekjes nga uria. Pentagoni e ka pranuar se disa të burgosur në qendrën e Guantanamos, po e refuzojnë ushqimin, por thotë se numri i tyre është vetëm 76. Kjo është hera e dytë brenda pak muajsh që në burg zhvillohet grevë urie. Shumë nga të burgosurit në Gjirin Guantanamo, të arrestuar nga Amerika si pjesë e luftës kundër terrorizmit, janë mbajtur në burg që prej tre vjetësh pa u ngritur padi ndaj tyre. | 
Dërgoja një miku
Version i printueshëm