Ian Bruce Korrespondent i BBC-së në Karakas

Venezuela është vendi i pestë në botë për rezervat e naftës

Katërmbëdhjetë vende, ku përfshihen Kuba, Xhamajka dhe Republika Domenikane nënshkruan propozimin e presidentit Hugo Chavez, që do të thotë zgjerim i infrastrukturës për të furnizuar me naftë vendet e Karaibeve.

Por Barbados dhe Trinidad, thanë se kishin nevojë prë më shumë kohë për të studiuar planin

Pas dramës së momenteve të fundit, që u duk qartë se e mërziti presidentin Hugo Chavez, ai njoftoi se një grup vendesh refuzonin të nënshkronin një marrëveshje.

Por nga ana tjetër u duk se qeveria e Venezuelës kishte arritur atë që donte.

Iniciativa e re për naftë në Karaibe, e quajtur Petro Caribe u pranua në shumicë.

Në zemër të planit venezuelian qëndron marrëveshja për t'u shitur vendeve të Karaibes dhe Kubës, naftë me çmim më të ulët.

Kompania shtetërore e naftës, PDVSA do të sigurojë transportin dhe do të ulë kostot.

Venezuela ka premtuar se do të shpenzojë 50 milion dollarë për të filluar projektin Petro Oil.

Disa udhëheqës të Karaibeve e ka parë me shqetësim faktin që presidenti Chavez ka këmbëngulur shumë në propozimin e tij.

Ata kanë sugjeruar se marrëveshja me Venezuelën do të çojë në prishjen e marrëveshjeve me kompanitë në vendet e tyre, të cilat merren me shpërndarjen e naftës.

Qeveria e Venezuelës thotë se se kjo marreveshje do të inkurajojë të tjera masa drejt integrimit në Ameriken Latine dhe në Karaibe.