Në Guantanamo mbahen të burgosur që dyshohen si terroristë

Pas një hetimi të ushtrisë, u gjet se kopje të Kuranit që u përkisnin të të burgosurve, ishin shtyrë me këmbë, shkelur dhe njomur aksidentalisht me ujë dhe urinë.

Në njërin prej librave të Kuranit, ishte shkruar një shprehje e me fjalë të ndyra në anglisht, por nuk dihej se kush e kishte shkruar atë.

Hetimi u nis pasi revista amerikane, Newsweek, botoi një artikull, të cilin e tërhoqi më vonë, ku thuhej se ushtarët amerikanë në Gjirn Guantanamo, kishte hedhur në WC një kopje të Kuranit.

Ushtria amerikane kishte konfirmuar më herët se incidentet kishin ndodhur që nga fundi i vitit 2001.

Nga hetimi i saj, u gjet se në njërin prej incidenteve, një gardian kishte gjuajtur me këmbë një kopje të Kuranit.

Në një tjetër, njëri prej marrësve të pyetje, kishte shkelur mbi libër.

Në një rast tjetër, një gardian kishte urinuar dhe pika të urinës kishin spërkatur një kopje të Kuranit brenda një qelie.

Çështja e trajtimit të Kuranit nga rojet dhe hetuesit në Gjirin Guantanamo është bërë shumë e ndjeshme ndërkombëtarisht.

Pretendimet e mëhershme se Kurani ishte përdhosur, mendohet se ishin pikënisja e trazirave në Afganistan.