Hugo Chavez fiton referendumin

Zyrtarët e Këshillit Kombëtar Zgjedhor thanë se nga 94 për qind të votave të numëruara, zoti Chavez ka marrë 58 për qind.

Korrespondenti i BBC-së në Karakas tha se është e qartë se përpjekja e opozitës për ta rrëzuar presidentin ka dështuar.

Megjithatë anëtarët e opozitës në Këshillin e numërimit të votave kanë refuzuar rezultatin dhe pretendojnë se presidenti nuk ka fituar.

Jashtë pallatit presidencial në Miraflores mbështetësit e presidentit Chavez po festojnë.