Bliadhna nan ÒranYear of Song

Ùisdean MacMhathain (Ùisdean Sheumais)

'S ann às a' Bhaile Shear an Uibhist a Tuath a bha Ùisdean MacMhathain, Ùisdean Sheumais Bhàin. Thug e iomadh bliadhna na gheamair, an toiseach air oighreachd Uibhist a Deas agus an uair sin air oighreachd Uibhist a Tuath.

Bha e aithnichte mar dhuine a bha fìor eòlach air eachdraidh agus òrain an eilein agus bha e cuideachd tric an ceann an t-seinn an Eaglais Chairinis, far an robh e na èildear fad iomadh bliadhna.

'S ann dha a rinn an t-Urr. Alex Muir, a bha na mhinisteir san eaglais, am port Hugh Matheson of Baleshare, "a tribute to a man who represents, in a unique way, the life and culture of the Uists."