Bliadhna nan ÒranYear of Song

Murchadh Moireasdan (Jellicoe)

Rugadh Murchadh ann an 1914, an dàrna mac aig a' Ghladston. Lean e athair a bha na ghobha, 's bha e ag obair as a' cheàrdaich eadhon tro bhliadhnaichean a' chogaidh. Bhiodh e a' dèanamh gach seòrsa inneal a bha feumail airson obair fearainn is mònach. Thug e cuideachd greis ag obair air sgeamaichean an uisge, air feadh Leòdhais.

Bha e pòsta aig Anna Chaimbeul agus bha ceathrar a theaghlach aca, dithis bhalach agus dithis nighean.

Thòisich Murchadh air rainn bheaga a dhèanamh is e glè òg. 'S ann mu dhaoine is mu thachartasan as a' sgìre a tha gu leòr de na òrain a rinn e, mar eisimpleir 'Amhran nam Bobanan', 'Amhran an Tobair' agus na h-amhrain a rinn e mun t-seann bhothan a bha air lot Màiri Sìne, agus am "bothan geal ùr" a thàinig na àite.

Bhiodh daoine tric a' dol thuige ach an dèanadh e teileagram dhaibh nuair a bha a' leithid cumanta aig bainnsean.

Bha e na èildear san eaglais agus, as na bliadhnaichean mu dheireadh, b' e dàin spioradail bu mhotha a bha e a' dèanamh.

Ann an Òran a' Chàbhaill tha Murchadh a' tarraing à triùir nàbaidhean, glè dhlùth dha, a rinn taigh-thàbhaidh airson a dhol a dh'iasgach chudaigean.

Tha sinn an comain Dhòmhnaill Uilleam Moireasdan airson an fhiosrachaidh seo.