Bliadhna nan ÒranYear of Song

Iain Moireasdan

'S ann à Cill Pheadar an Uibhist a Deas a bha na daoine aig Iain Moireasdan, Iain Mhic Iain Bhàin. Bha Iain agus a bhean Annag greis a' fuireach ann an Glaschu agus bidh gu leòr sa bhaile sin aig am bi cuimhne air Iain a' seinn aig cuirmean a' Chatholic Caledonian Society.

Thill an teaghlach a dh'Uibhist gu Taobh a' Chaolais far an robh Iain air a chumail trang a' càradh chàraichean.

Tha e coltach gur e duine sochaireach, diùid a bh' ann a dh'fheumadh a bhith air a bhrosnachadh gu seinn, a dh'aindeoin an guth àlainn, caran neo-àbhaisteach, a bh' aige.

Dealbh le taing do Mhàiri Anna Mitchell, piuthar Iain.