Bliadhna nan ÒranYear of Song

Griogair Labhruidh

Buinidh Griogair Labhraidh do na Labhraich à Baile Chaolais, an ceann a tuath Earra-Ghàidheal, teaghlach a tha ainmeil a thaobh ceòl Gàidhealach. Bha iomadh deagh sheinneadair agus pìobaire am measg a shinnsir agus dh'ionnsaich e fhèin pìobaireachd aig glùin athair.

Thug an dualchas Gàidhealach leis an robh e air a chuairteachadh bho òige buaidh mhaireannach air, agus, bho bha e na dheugaire, tha e air a bhith air a bheò-ghlacadh le òrain agus bàrdachd na sgìre sin às a bheil e.

Choisinn a' chiad chlàr aige mòr-chliù dha agus, bhon uair sin, tha e air a bhith a' seinn agus a' cluich leis fhèin agus còmhla ri seinneadairean agus luchd-ciùil cho ainmeil agus a tha an Alba agus an Èirinn.

Tha e air òrain agus fuinn a bha air a dhol air dìochuimhn' ath-bheothachadh agus tha e air leth moiteil a bhith cumail dualchainnt, ceòl agus òrain a mhuinntir fhèin beò.