Bliadhna nan ÒranYear of Song

Alasdair Friseal

'S ann à Raon Mòr ann an Aichillidh Bhuidhe a bha Alasdair Friseal (1905-1975) agus b' e an gille a b' òige ann an teaghlach de dheichnear.

Chaidh e a dh'Oilthigh Ghlaschu far an do cheumnaich e ann an Ceiltis agus Matamataig. Bha e dèidheil air spòrs agus bha e ri iomain agus a' cluiche ball-coise agus rugbaidh nuair a bha e anns an oilthigh.

An dèidh bliadhna aig an taigh nuair a chaochail athair, thill e a Ghlaschu gu Colaiste Cnoc Iòrdan airson dreuchd fear-teagaisg a thoirt a-mach.

'S ann a dh'Inbhir Pheofharain a chaidh e a dh'obair an toiseach, ach chuir e seachad a chuid bu mhotha dhe beatha ann an sgoiltean Dhrochaid Sgudail agus Tharradail, anns a' Bhlàr Dhubh.

Bha ùidh mhòr aige ann an òrain sgìre Loch Bhraoin agus bha e na bhall airson iomadach bliadhna de Chòisir Ghàidhlig Inbhir Pheofharain, aig an robh e mar fhear teagaisg na Gàidhlig.