Bliadhna nan ÒranYear of Song

Nuair a bhios mi leam fhìn
Agus m' inntinn fo leòn,
Bidh mi cuimhneachadh uair
'S mi gun uallach gun bhròn,
'S mi a' ruith is a' ruag
Feadh nam bruachan 's nan lòn,
Ann am òige ann an
Uibhist nam beanntan.

'S ann gun strì rachainn sìos
Air dà sgiathe mo smuain,
Gu tràigh mhòr an taobh 'n Iar
'G èisteachd fìor ghlag a' chuain,
Is a ghainmheach gheal mhìn
'S i gu h-ìosal fom bhonn,
Is gach tonn a' seinn
Uibhist nam beanntan.

Anns a' mhadainn gum b' èibhinn
Dhomh 'g èirigh moch tràth,
Is an driuchd air gach geug
Is na sprèidh len cuid àl,
'S an uiseag bhean binn-guthaich
Dìreach an-àird,
'S i cur fàilte air
Uibhist nam beanntan.

Ged a tha mise 'n-dràst'
Ann am baile na strì,
'S mi cho fada bhon àit'
Far na dh'àraicheadh mi,
Gu bheil sàsachadh àraid
Toirt blàths do mo chridh',
'S e gun till mi do
Dh'Uibhist nam beanntan.