Bliadhna nan ÒranYear of Song

Tha na h-uain air an tulaich a' mire san fhraoich
Far 'eil caorann a' fàs agus blàths air gach flùr
Far 'eil caorann a' fàs agus blàths air gach flùr
'S an loingeas a' seòladh nan cuantan.

Bean na bainnse 's a cuideachd dhan eaglais a' falbh
Ise marcachd air thoiseach 's a cruth mar a dealbh
Agus mise ga leantainn gu trom airtnealach balbh
Is mo ghràdh dol a phòsadh fear eile.

Aig an altair na seasamh 's a fear-pòsta ri taobh
Cur an fhàinne mu meòir 's a' toirt bòidean a' ghaoil
Thuirt an gill' air a shocair, "Mo ghràdh dhut chan aom
Ged a tha thu nis pòst' aig fear eile".

Aig doras na h-eaglais a' coimhead an triall
B' e m' ùrnaigh 's mo ghuidhe gun glèidhinn mo chiall
Mo ghràdh dhut chan àicheadh an gaol a bh' ann riamh
Ged a tha thu nis pòst' aig fear eile.

O cladhaich an uaigh far am faigh mise tàmh
'S cur na flùran oirr' thairis 's bheir an t-Earrach orr' fas
Agus sìn mi fon ghlasaich far an laigh mi gu bràth
Cha chur nì ach am bàs i às m' aire.