Tha Cumha 'n Dèidh do Ghaoil Orm
Òran air a sgrìobhadh le: Gun Urra agus air a sheinn le: Màiri Sandeman agus Seinneadairean Dhùn Èideann.
This is a song written by: Gun Urra and sung by: Màiri Sandeman and Seinneadairean Dhùn Èideann.
Facail an Òrain / Song Lyrics
Sèist / Chorus
Tha cumha 'n dèidh do ghaoil orm
Tha mulad mòr as d' aonais orm
Tha cumha 'n dèidh do ghaoil orm.
Fhuair mi nead na liath-chirce.
Air bàrr na tuinne fiadhaich;
Bha 'n ròn glas a' dol don iarmailt
Agus cliabh air bac a' ghàirdean
Chunnaic mi na sgaireagan,
A' sìor dhèanamh bhuntàta dhuinn;
'S dreathan donn 's dà ràmh aige
Cur bàta 'n aghaidh gaoithe.
Chunnaic mi na cudaigean
A' snìomh air an cuid chuigealan;
'S a' chorra-ghritheach 's buideal aic'
Falbh an cuideachd dhaoine.
Chunnaic mi na donnagan
A' falbh is eallaich chonnaidh orr';
An fhaochag as an tomadaich,
A' falbh is dronnag fhraoich oirr'.
Chunnaic mi na h-easgannan
A' danns' air an làr fhasgnaidh
Is a' ghuilbneach agus bat' aice,
'S i cur a-steach nan caorach.
Cuspair an Òrain
Dh'innis Mgr Iain MacRuaraidh do Chomunn Gàidhlig Inbhir Nis air 12 Gearran, 1890, sgeulachd mun t-òran seo ged nach robh fhios aige cò a rinn e.
Thuirt e: "Bha duine ann aon uair a rinn cionta a bha toillteannach air a' bhàs. An uair a chaidh a dhìteadh thuirteadh ris gu faigheadh e leis a bheatha nan deanadh e òran anns nach biodh aon fhacal fìrinn.
Cha chuimhne leam a chluinntinn cia mheud ceathramh a dh'fheumadh a bhith anns an òran. Tha fhios agam gur gann a tha cuimhne agam air an dara leth dheth. Gu mi-fhortanach dha fhèin, chuir an duine bochd aon fhacal fìrinn anns an òran, agus air tàilleabh an fhacail seo chaill e a bheatha. Chan eil air cuimhne agam den cheathramh anns an robh am facal fìrinn ach an dà shreath:
"A' chuthag is gu-gùg aice
'S i toirt nan sùil à caoraich."
Tha e fior gum bi gu-gùg aig a' chuthaig ged nach 'eil e fìor gun toir i na sùilean às na caoraich."
Bho Transactions of the Gaelic Society of Inverness, Vol. 16.
Seinneadairean / Performers
Seinneadairean Dhùn Èideann
B' iad Seonag NicChoinnich, Evelyn Chaimbeul, Iona NicDhòmhnaill, agus Màiri Sandeman Seinneadairean Dhùn ...
Fiosrachadh air Seinneadairean Dhùn Èideann / Learn more about Seinneadairean Dhùn ÈideannMàiri Sandeman
Rugadh agus thogadh Màiri Sandeman ann an Dùn Èideann. B' ann à Devon a bha a màthair, Màiri Trump, agus thàinig cuideachd a h-athar, Pat ...
Fiosrachadh air Màiri Sandeman / Learn more about Màiri SandemanBBC iD
BBC iDStiùireadh a’ BhBC
Ceangalaichean BBC
Copyright © 2015 BBC.Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.
