Bliadhna nan ÒranYear of Song

Siuthad a Sheònaid, suath an t-eòrna,
Tha e gròsgach fo na casan, ùbh o ùbh o ùbh o hì
Siuthad a Sheònaid, dhìot do bhrògan,
Bleith an t-eòrna dhomh ‘son aran, ùbh o ùbh o ùbh o hì
Airson aran ho rì rì.

Siuthad a Sheònaid, ‘s tu le d' òige,
Meil le òrdagan do chasan, ùbh o ùbh o ùbh o hì
Truis do chòta, ‘s tog leat òran,
Mar na h-eòin gu tuilleadh braiseachd, ùbh o ùbh o ùbh o hì
Tuilleadh braiseachd ho rì rì.

Siuthad a Sheònaid, danns gu sùrdail,
Tha do lurgainnean caol is snasail, ùbh o ùbh o ùbh o hì
Stad le sùrdag, ‘s prann na smùr e,
Lìon mo sgùird is nì mi fhasgnadh, ùbh o ùbh o ùbh o hì
Nì mi fhasgnadh ho rì rì.

Siuthad a Sheònaid, ‘s cuimir calpa,
Sgar na cealgan bho na badan, ùbh o ùbh o ùbh o hì
Mi gun annlan, leis a bhalgam,
Gu sealladh sealbh ar seachdnar bhalach, ùbh o ùbh o ùbh o hì
Seachdnar bhalach ho rì rì.

Siuthad a Sheònaid, ‘s fuinidh i bonnaich,
Ris a dh'ealaig ann an cabhag, ùbh o ùbh o ùbh o hì
Ìm na corraig, air gach pronnaig,
Lìonas broinn mo sheachdnar bhalach, ùbh o ùbh o ùbh o hì
Seachdnar bhalach ho rì rì

Seachdnar bhalach ho rì rì
Seachdnar bhalach ho rì rì.